♦ işlənmiş məlumatların məlumat tutumunun artırılması;
♦ sooprosessorların istifadəsi;
♦ keş yaddaşından istifadə;
♦ RISC prosessorlarının yaradılması;
♦ Konveyerləşmə və paralelizmin həyata keçirilməsi.
Emal olunan məlumatların informasiya tutumunun artırılması aşağıdakıların hesabına əldə edilir:
sistem şininin və prosessorun dərəcəliliyini artırmaq, verilənlərin və proqramların vahid şinini ikiyə bölmək (kəmiyyət komponenti);
Ikili sayma sistemi deyil, üçlü (keyfiyyət komponenti) olan elementlərdən istifadə edilməsi.
Şin üzrə paralel ötürülən bitlərin sayını artırmaqla verilənlərin emalı sürətinin və sistem şininin ötürülmə qabiliyyətinin artırılması sistem şininin və prosessorların şinlərinin mərtəbəliliyinin artırılmasını tələb edir. Prosessorların sistem şininin mərtəbəliliyi əvvəlcə 8-dən 16-ə, sonra isə 32 və 64 bitə və sonra isə 128 bitə qədər artırılmışdır. Hazırda 128 bit prosessor və sistem şininin yaradılması son hədd deyil.
> Soprosessor - ən mürəkkəb riyazi hesablamalar, o cümlədən, sürüşən nöqtəli əməliyyatlar üçün əlavə blokdur. Qrafiki və multimedialı proqramlarla işlədikdə soprosessordan istifadə edilir.
> Keş-yaddaş - bufer yaddaşı olub, verilənlər üçün yığıcı rolunu oynayır. Prosessor tez-tez istifadə olunan verilənləri əldə etmək üçün ləng işləyən əməli yaddaşa və sərt diskə müraciət etmək əvəzinə, daxilində quraşdırılan keş-yaddaşa müraciət edir. Müasir prosessorlarda 3 növ keş-yaddaşdan istifadə olunur: 100 kilobayta qədər tutuma malik olan çox sürətlə işləyən l-ci dərəcəli keş-yaddaş (L1). Hesablamaların aralıq nəticələrinin saxlanılması üçün istifadə olunur. Il-ci dərəcəli keş-yaddaşın (L2) sürəti bir qədər az olur, lakin tutumu meqabaytlarla ölçülür. Ill-cü dərəcəli keş-yaddaş (L3) ən ləng işləyən keşdir, lakin onun həcmi çox böyükdür (24 Mbaytdan çox). L1 və L2-dən sürəti zəif olan L3 yenə də əməli yaddaşdan sürətlidir. Çoxprosessorlu sistemlərdə ümumi istifadədə olur və L2 keşin məlumatlarının sinxronlaşdırılması üçün istifadə edilir. Bəzən IV-cü dərəcəli keş yaddaşdan da istifadə olunur. Bu yaddaş tək bir mikrosxemdə yerləşir və yüksək məhsuldarlığa malik olan serverlərdə və meinfreymlərdə istifadə olunur. Məhz, keş- yaddaşın tutumu ilə prosessorların müxtəlif modifikasiyaları bir-birindən fərqlənirlər.
