Informatika darsdan tashqari mashg'ulotlar reja

INFORMATIKA DARSDAN TASHQARI MASHG'ULOTLAR
REJA:

1. 
   Informatika va axborot texnologiyalari fanining maqsadi, vazifasi.
   
2. 
   Informatika va axborot texnologiyalari fanining taraqqiyoti va yo’nalishi.
   
3. 
   Axborot tushunchasi, xossalari va axborotni o’lchash
   

4.Informatika va axborot texnologiyalari fanidan darsdan tashqari
mashg'ulotlar tashkil etish metodikasi
5.Kompyuter sinflari, avlodlari, turlari.

KIRISH
Informatika va axborot texnologiyalari fanini o’rganishdan maqsad quyidagilar haqida mukammal bilimga ega bo’lishdan iborat:

• 
  informatika va axborot texnologiyalari fanining taraqqiyoti;
  
• 
  axborotlar va ularning tasnifi;
  
• 
  axborotlarning EHM da tasvirlanishi;
  
• 
  kompyuter avlodlari;
  
• 
  kompyuter qurilmalari va ularning ishlash prinsiplari;
  
• 
  dasturlash haqida ma’lumotlar.
  

Informatika fanining asosiy vazifasi - milliy iqtisodiyotda iqtisodiy va texnologik jarayonlarni tashkil qilish va boshqarish masalalarini hal qilishda informatika fanining yutuqlaridan, ya’ni matematik modellashtirish, algoritmlar tuzish, axborot ta’minotini tayyorlash, dasturlardan foydalanish va masalalarni kompyuterda echishni o’rganishdan iborat.
Informatika. Axborot xususiyatlarini o’rganish, uni yig’ish, saqlash, qidirish, qayta ishlash, o’zgartirish hamda inson faoliyatining turli sohalarida foydalanish va tarqatish bilan shug’ullanadigan fan informatika deb ataladi.
Informatikaning taraqqiyoti va yo’nalishi.
Informatikaning asosiy uchta yo’nalishi mavjud.
Birinchi yo’nalish axborotni uzatish, yig’ish va qayta ishlashning texnik vositalarini rivojlantirish nazariyasi bilan bog’liq. U o’z ichiga hisoblash komplekslarini, lokal va global hisoblash tarmoqlari, aloqa nazariyasini olgan keng ilmiy-ommaviy sohadir.