İNŞaat materiallari sənayesi VƏ İNŞaat iŞLƏRİNDƏ ƏMƏk giGİyenasi

Beton işləri. Monolit beton və dəmir-beton konstruksiyalı binaların kompleks proseslərinə 

tədarük və tikinti prosesləri daxildir. 

Tədarük  prosesləri  zavodlarda  və  ya  tikinti  meydançasından  kənarda  olan  poliqonlarda 

yerinə yetirilməlidir. 

Tikinti  prosesləri  bilavasitə  tikinti  meydançalarında  yerinə  yetirilir.  Bunun  hazır  məhsulu 

monolit beton və ya dəmir-beton konstruksiyalı məhsuldur. 

Beton  qatışıqların  obyekt  daxili  daşınması  və  qablaşdırılması  zamanı  əsasən  maşın  və 

mexanizmlərdən istifadə olunur. Lakin beton qatışıqların hazırlanması, verilməsi, qablaşdırılması 

və bölüşdürülməsi işlərinin bir hissəsi əl vasitəsilə yerinə yetirilir. 

İşi  əl  vasitəsilə  yerinə  yetirən  betonçu  fəhlələrin  əməyi  ayrı-ayrı  əzələ  qruplarının  və 

oynaqların böyük gərginliyi ilə əlaqədardır. Pnevmatik çəkiclərlə, pnevmatik beton lingləri ilə, iş 

zamanı  beton  qatışıqları  elektrik  və  pnevmatik  toxaclayıcılarla  sıxlaşdırdıqda  fəhlələr  yerli 

vibrasiya və xeyli intensiv səs-küyə məruz qalırlar. 

Beton səthlərin təmizlənməsində havaya qarışıq tozlar daxil olur. Betonlama zamanı yüksək 

və ya aşağı temperaturlu, insolyasiya, nisbi rütubət, hava cərəyanı, səthlərin radiasiya qızdırması 

və soyutması xassəsi olan mikroiqlim şəraiti qeyd edilir. 

Ağac işlərinə - dülgərlik və bənnalıq işləri aiddir. Tikinti meydançaları şəraitində ağac emalı 

müəssisələrində  hazırlanmış  konstruksiyaların  və  hissələrin  son  şəklə  salınması,  taxılması, 

quraşdırılması aparılır. Dülgər və bənnalar ağac işlərini yerinə yetirərkən mexanikləşdirilmiş və 

mexanikləşdirilməmiş əl alətlərindən istifadə edirlər. Bu işlər mühüm əzələ gərginliyi, çox vaxt 

isə  məcburi  bədən  vəziyyəti  tələb  edirlər.  Yonma,  mişarlama,  cilalama  işləri  zamanı  iş  zonası 

havasına ağac tozu daxil olur.