Intarpiraayizii Ijaarsa Daandiiwwan Oromiyaa

2.4.2.3 Tarsimoowwan Karoora bara 2008-2012

• 
  Maashinarii fi konkolaataa akkasumas meeshaalee ijaarsaa adda ddaa hojii kanaaf barbaachisu dursanii adda baasuun humna Intarpiraayizichaa cimsaa deemuun guutuu.
  
• 
  Pirojaktoota irratti rakkoon dizaayinii fi mirga daangaa kabachiisuu quunnamuun hojicha akka hin gufachiifneef qaama dhimmi ilaallatu waliin ta’uun hiikuu.
  
• 
  Hojiin haala karooraatiin ykn barbaadameen deemuu isaa yeroo yeroon hordofuu, deeggaruu fi gamaggama taasisuun rakkoolee qunnamaniif battalumatti fala kaa’un hojii irra oolmaa isaa hordofuu.
  
• 
  Hubannoo hojjataa gama ilaalchaa, Dandeettii fi dhiyeessiitiin jiru leenjii fi haala garaagaraatiin cimsuun gahee isaa sirritti akka bahu taasisuu.
  
• 
  Hanqinni maallaqaa (liquidity) akka hin uumamne hojii hojjatameef maallaqa yeroon walitti qabu fi kaffaltii dursaa (Advance) argachuu irratti qaama dhimmi ilaalatu yeroo yeroon hubachiisuun maallaqni akka argamu gochuu.
  
• 
  Bulchiinsa kontiraataa cimsuun hojiiwwan kontiraatni seename saffinaan haala kontiraata seenameen raawwachuu fi kontiraata fuula dura seenamu haala ammayaa’aa ta’een qoratamee akka dhiyaatu taasisuu,
  
• 
  Qaamoleen sadeen (abbaa hojii, konsaltaantii fi kontiraaktarri) yeroo yeroon waltajjii marii uumuu fi gaggeessuun rakkoolee hojii irratti mudataniif tarkaanffii sirressaa fudhachuun haala hojiin saffinaan itti raawwatu mijeessuu,
  
• 
  Dandeettii (humna) raawwachiisummaa dabaluun tekinoolojii ammayya’aa waliin kan wal simuu fi humna namaa hojiin barbaadu horachuu,
  
• 
  Ragaa pirojeektotaa haala ammaya’aa ta’een galmeessuun qabachuu fi bu’aa fi kisaaraa pirojektota tokko tokkoo yeroo yeroon adda baasaa deemuu,
  

• 
  Humna gaaraajii IIDO cimsuun mashinarootaa fi konkolaatota ofii haalaan suphuun yeroon hojiif dhiyeessuu.
  
• 
  Omishaalee adda addaa workshooppii jiranitti fayyadamuun kanneen garaajii ofii keessatti omishamaa hin jirre omishuun ofii itti fayyadamuun baasii hambisuu fi gabaaf dhiyeessuun madda galii taasisuu.
  
• 
  Haala gabaa qorachuun hojiiwwan haaraa haala bu’aa qabeessa ta’een gabaa irraa barbaaduun itti deemuu,
  
• 
  Ilaalcha fi gocha kiraa sassaabdummaa irratti hojii hubannoo caalatti cimsuun ol-irraa hanga gadiitti hojjachuun iddoowwan qisaasamaaf qaawwaa banani jedhamanii adda bahan akkasumas kanneen biroo hordofuun madaalaa deemuu’
  
• 
  Hojimaata fi qajeelfamoota jiran sakkata’uun fooyessuun hojiirra oolchuu,
  
• 
  Haawaasa naannoo hojiitti argamu hirmaannaa ture caalatti cimsuun dubartootaa fi dargaggootaaf carraa hojii uumuu.
  
• 
  Hojii Dagaagina Biizinasii cimsuun caarraa hojii haaraa argachuuf irratti hojjachuu.