Intarpiraayizii Ijaarsa Daandiiwwan Oromiyaa

2.1.2. Xiinxala Haala Keessaa fi Alaa (Intrenal and External Analysis)

Karoora guddinaa fi tiraanisfoormeshiin marsaa 2^ffaa gara hojiitti hiikkamuu danda’u qopheessuun hojii irra oolchuuf dursan haala qabatamaa Intarpiraayizichi keessa jiruu fi haala qabatamaa alaa xiyyeeffannoo kennuudhaan gad-fageenyaan xiinxaluu fi hubachuun ka’umsa ijaarsa tarsiimoo gara hojiitti hiikamuu qabuuf bu’uuradha. Faayidaan xiinxalichaa haalawwan qabatamaa keessaa fi alaa intarpiraayizichi maal akka fakkaatu xiinxaluu fi hubachuuf akkasumas dhimmoolee tarsiimoo hojiirra ooluu danda’an addaan baafachudhaaf waan ta’eef, gama tokkoon ciminaa fi dadhabbina (strength and weakness) gara biraatiin ammoo carraalee itti fayyadaman (opportunities) qabuu fi sodaalee (threats) mudachuu danda’an akaakuun addaan baasuun xiinxaaluu dha.

Haaluma kanaan, Intarpiraayiziin Ijaarsa Daandiiwwan Oromiyaa Karoora bara 2008-2012 qopheessuuf ragaalee haalawwan qabatamaa keessaa fi alaa intarpiraayizicha ibsu maamiltoota alaa fi keessaa akkasumas dhimmamtoota irraa walitti qabuudhaan xiinxala haala qabatamaa keessaa fi alaa gad-fageenyaan taasifameera. Haaluma kanaan ciminnii fi dadhabbinni akkasumas carraaleen fi sodaaleen sakatta’amee adda ba’e gabateewwan armaan gadii keesatti ibsameera.