Intarpiraayizii Sanyii Filatamaa Oromiyaa Maanuwaalii Sirna Madaallii fi Badhaas

KUTAA TOKKO: SEENSA WALIIGALAA

1. Seensa

Hojiiwwan jijjiiramaa akka Intarpiraayizii Sanyii Filatamaa Oromiyaatti eegalaman sirna ta’anii akka itti fufan taasisuudhaan ergamaa fi mul’ata Intarpiraayizichaa milkeessuuf caaseffama isaa keessatti qaamota argaman hanga hojjetaa dhuunfaatti sirni madaallii bu’aan hojii isaanii ittiin madaalamee ittiin ijaaramuu fi jajjabeeffamu diriirsuun barbaachisaa dha.
Hojiin bu’uuraa fi murteessaan hojimaata madaallii fi badhaasa sadarkaa hundarratti hojiirra ooluu danda’u qopheessuudha. Sirni madaallii akka Intarpiraayizichaatti filatamee hojiirra oolu sirna madaallii qindaa’aa 360⁰ bu’aa irratti hundaa’ee madaalu ta’a.
Sirna madaallii fi badhaasaa bara 2005 irraa eegalee hojiirra oolaa jiru haala yeroo fi qabatamaa jiru irratti hundaa’uun hanqinaalee adeemsa keessatti mul’atan yaada keessa galchuun fooyyessuun barbaachisaa ta’ee argamee jira. Haaluma kanaan maanuwaaliin kanaan dura bara 2005 bahee hojiirra ture irra deebiin akka fooyya’u ta’ee jira.

2.