| 4. Minnət qoymaqdan çəkinmək
"ايّاك و المنّ علي رعيتك باحسانك " “Rəiyyətə, etdiyin yaxşılığa görə minnət qoymaqdan çəkin.”2 Camaatın boynuna minnət qoymayın və deməyin ki, biz bu işi sizin üçün görmüşük. Vəzifə idi, yerinə yetirmisiniz. Əgər yerinə yetirsəniz, vəzifənizi icra etmisiniz, camaatın boynuna minnət qoymayın. Gördüyünüz işləri şişirtməyin. Bəzi vaxtlar insan bir iş görür, sonra o işi tərifləyəndə xeyli mübaliğəyə yol verir. Yəni həqiqətdə olduğundan neçə dəfə artıq qələmə verir. " "او ان تعدّهم فتتبع موعدك بخلفك “Onlara (rəiyyətə) verdiyin vədə vəfa etməməkdən çəkin.”3 Camaata verdiyiniz vədə də xilaf çıxmayın. Camaata nəyi vəd etmisinizsə, çalışın ki, onu yerinə yetirəsiniz. Yəni özünüzü o vədlərin girovu bilin. Elə olmasın ki, sonda: “Olmadı, alınmadı, nə edə bilərik?” - deyək. Xeyr! İsrar edin. Əlbəttə, bir zaman insanın doğrudan da çıxılmaz vəziyyətə düşməsi mümkündür. Bu ayrı söhbətdir. Amma imkan və gücünüz çatdığı həddə çalışın, camaata verdiyiniz vədlərə əməl edin və minnət də qoymayın.
"فإنّ المنّ يبطل الاحسان و التّزيّد يذهب بنور الحق" “Çünki minnət qoymaq yaxşılığı nəticəsiz edir. İşi olduğundan artıq sanmaq (bir növ məğrurluq, zülm və yalandır) haqqın nurunu söndürür (yaxşılıq və düzlüyün savabını aradan qaldırır).”1 "و الخلف يوجب المقت عند الله و النّاس" “Vədə vəfa etməmək də Allahın və xalqın qəzəbinə səbəb olur.”2
Dostları ilə paylaş: |
