İset-in İqtisadiyyat üzrə magistr dərəcəsi

İSET-in İqtisadiyyat üzrə magistr dərəcəsi

Tbilisi Dövlət Universiteti nəzdində fəaliyyət göstərən Beynəlxalq İqtisad Məktəbi (ISET) yüksək nüfuzlu İqtisadiyyat üzrə magistr proqramına tələbə qəbulu elan edir. Azərbaycanlı namizədlərə aşağıdakılar təklif olunur:

• 
  Təhsil haqqının yarısını və ya hamısını əhatə edən təqaüdlər
  
• 
  Yaşayış təqaüdü
  
• 
  Tbilisidə təhsil aldığı dövr ərzində pulsuz olaraq mənzil ilə təminat
  
• 
  Avropada təcürbə keçmək və və ya bir semestr təhsil almaq imkanı
  
• 
  Yay təcürbəsi və Azərbaycanda işlə təminat
  
• 
  Amerika Birləşmiş Ştatlarında (ABŞ) və Qərbi Avropada reytinqli PhD proqramlarına qəbul olunmaqda dəstək
  

Magistr proqramına qəbul olan hər bir azərbaycanlı tələbə həm İSET-in yay riyaziyyat düşərgəsində ( 2017-ci ilin avqustunda 3 həftə), həm də birinci minisemestr (2017-ci il sentyabr-oktyabrda 8 həftə) ərzində tam ödənişsiz əsaslarla təhsil alacaq. İmtahanlarda nailiyyət əldə edən bütün azərbaycanlı tələbələrə təqaüd veriləcək.

2017-ci ilin payızı üçün aprelin 27-si 2017-ci ilə kimi ərizələrin online (www.iset.ge) qəbulu aparılacaq. İngilis dili və riyaziyyat üzrə olan qəbul imtahanı 2017-ci il mayın əvvələrində Bakıda keçiriləcək.

İSET-in tədris proqramı ABŞ və Qərbi Avropada ən yaxşı proqramları əhatə edir və beynəlxalq professorlar tərəfindən bütün dərslər İngilis dilində tədris olunur. 2017-ci ildə İSET-ə qəbul olacaq tələbələr ixtisaslaşmaq üçün Enerji və Ətraf Mühit, Sosial Siyasət, Kənd Təsərrüfatı İqtisadiyyatı, Makroqitisadi Siyasət və Özəl Sektorun İnkişafı kimi sahələri seçə bilər və onlara professional karyeraya hazır olmaq üçün dövlət siyasəti, bank işi və maliyyə analizi üzrə şəxsi tədris proqramlarını tərtib etməyə şərait yaradılır.

Azərbaycanlı tələbələrə ABŞ-ın və Qərbi Avropanın ən aparıcı PhD proqramlarında təhsil almaq üçün köməklik edilməsini xüsusi vurğulamaq istəyirik. İSET məzunları Stanford, Çikaqo, New York, McGill, Pennsylvania, Warwick, McGill, Caltech və digər universitetlərdə təhsil alırlar. Hal-hazırda İSET məzunlarının 34 nəfəri ABŞ və Qərbi Avropada PhD təhsillərini davam etdirirlər və hamısı tam təqaüd alırlar.

İSET haqqında: İSET BP, CERGE-EI Foundation, Gürcüstan höküməti, Norveç Xarici İşlər Nazirliyi, Açıq Cəmiyyət İnstitutu, İsveç Beynəlxalq Əməkdaşlıq Agentiliyi, ABŞ Beynəlxalq İnkişaf Agentliyi və Dünya Bankı kimi beynəlxalq donorlar konsersyumu tərəfindən 2006-cı ildə yaradılmışdır. Cənubi Qafqazda iqtisadiyyat üzrə beynəlxalq çaplı magistr proqramı təklif edən yeganə təhsil mərkəzidir. 287 məzunun hamısı hal hazırda işləyir və ya xaricdə təhsil alır. İSET məzunları Cənubi Qafqazın Mərkəzi Banklarında aparıcı analitik vəzifələri tutur və ya xaricdə PhD proqramlarında təhsillərini davam etdirirlər.

Müraciətçilər online şəkildə də daha çox məlumat əldə edə bilərlər: www.iset.ge

Əlaqələndirici şəxs: Maya Surguladze, Tel: [phone] ext.104 [e-mail]