Ислам Дини Терроризмин ялейщинядир

TEROOR SÖZÜNÜN LÜĞƏVİ VƏ ISTILAHI MƏNASI
“Terror” kəlməsinə ərəb dilində “irhab” deyilir. “İrhab” kəlməsinin mənası isə qorxu deməkdir. Ərəb dilində “rahabtu şeyə ruhban” yəni, qorxutdum deməkdir.⁴²

Keçmis islam alimlərinin kitablarında terror kəlməsinin istilahi mənası açıqlanmayıb. Çünki “terror” sözü ilk dəfə Fransa inqilabından (1789-1794) sonra işlənmişdir.⁴³

Bu o deməkdir ki, “terror” kəlməsi Qərbdən çıxmışdır. Bu həm də İslamın terror dini olması kimi ortaya atılan çirkin fikirlərə ən gözəl rəddiyədir. Dünya mütəfəkkirləri tərəfindən “terror “ kəlməsinin mənası haqqında bir çox müxtəlif rəylər irəli sürülmüş və ixtilaf edilmişdir.
Əzhar Universitetinin “İslami araşdırmalar” məcmuəsi 11 sentyabr hadisəsindən sonra “terror“ kəlməsini belə açıqlamışdır: “Terror dinc insanları qorxutmaq, onların yaşayışını məhv etmək, mallarına, namuslarına, azadlıqlarına təcavüz etmək və yer üzərində fitnə-fəsad törətməkdir.

Terrorun baş verdiyi ölkənin haqqıdır ki, terroru törədən caniləri həbs edərək mühakimə etsin və beləliklə ədalət öz yerini tapmış olsun.

“İslam Fiqhi” məcmuəsinin açıqlaması: “Terror- fərdlərin, camaatların və dövlətlərin insana (dini, qanı, malı və namusuna) qarşı yönəltdiyi düşmənçiliyə deyilir. Bura insanları qorxutmaq və onlara əziyyət verməyin bütün formaları, haqsız yerə başqasını qorxutmaq və öldürmək, yaşayış yerlərini və yolları xarabalığa çevirmək, yol kəsmək, şiddətə aparan bütün əməllər şamil edilir. İnsanları qorxu içərsində yaşamağa vadar etmək və qorxutmaqla onlara əziyyət vermək, onların həyatı­na, azadlığına və əmin–amanlığına təcavüz etmək, ətraf mühitə, xüsusi və dövlət mülkiyyətinə zərər vermək- bütün bunlar Allahın yer üzərində fəsad adlandıraraq qadağan etdiyi əməllərdir.⁴⁴
“Terror” kəlməsinin dini nöqteyi nəzərdən ən gözəl tərifi “İslam Fiqhi” məc­muəsinin tərifidir. Çünki İslam dininin təcavüzə, şiddətə və dinc insnaları qorxutmağa qarşı mübarizə aparması bu tərifdə bəyan edilmişdir.

Uca Allah Qurani–Kərimdə buyurmuşdur: