1.3 Xam pambiğin qurudulmasinin texnoloji avadanliqlari
1.3.1. Xam pambığın rütubəti
Xam pambıq mütləq quru kütləyə və müəyyən qədər nəmliyə malikdir. Xam pambığın rütubəti faizlərlə ifadə olunur və onda olan rütubət kütləsinin mütləq quru xam pambığın kütləsi nisbətinə bərabərdir.
Rütubətin xam pambıqla əlaqəsinin xarakterindən və rütubətin qurudulması zamanı kənar etdirilməsindən asılı olaraq sərbəst, izafi və taraz rütubəti fərqləndirirlər.Məsamələrdə, boşluqlarda, kapilyarlarda yerləşən sərbəst rütubətə malik olan xam pambıq nəm hesab olunur. İzafi rütubət sərbəst rütubətdən və qurudulma şəraitində aradan qaldırıla bilən hiqroskopik rütubətdən ibarətdir. Taraz rütubət saxlanılan xam pambığın elə nəmliyidir ki, ətraf mühitin şəraitindən asılı olaraq öz-özünə tarazlaşır.
Xam pambığın yüksək rütubətliliyi onun təmizlənməsinə, saxlanmasına və emalına mənfi təsir edir. Yüksək rütubətli (13-14%) xam pambığı saxlayan zaman lifin xassələrini poza biləcək və çiyidlərin zədələnməsinə gətirəcək bioloji proseslər gedir.
Yüksək rütubətli xam pambığın emalı zamanı liflərin işçi orqanlarının zərbəsi nəticəsində tez-tez dayanmasına görə avadanlığın məhsuldarlığı azalır.Yüksək rütubətdə lifin elastikliyi azalır və onun zibilli qarışıqlara ilişməsi güclənir ki, bu da lifdə qüsurların yaranmasına və zibilə görə təmizləmə effektinin azalmasına gətirib çıxarır.Nəticədə belə xam pambıqdan aşağı keyfiyyətli lif alınır.
Lifin yüksək keyfiyyətini və texnoloji avadanlığın effektiv işini təmin etmək üçün xam pambığı 7-8% texnoloji rütubətə qədər qurutmaq lazımdır.
Dostları ilə paylaş: | 
