GİRİŞ Mövzunun aktuallığı. Müstəqilliyini ikinci dəfə qazanmış Azərbaycan Respublikasında iqtisadi inkişafın təmin edilməsi dövlətin başlıca problemlərindən biridir. Bu baxımdan işlənmiş mövzu mühüm əhəmiyyət kəsb edir. İqtisadi və sosial siyasətinin həyata keçirilməsində vasitələrdən biri maliyyə sisteminin tərkib hissəsi olan büdcə-vergi siyasətidir. Büdcə sistemi Azərbaycan Respublikasının ali və yerli dövlət hakimiyyəti orqanlarının funksiyalarının icra olunmasının əsas maliyyə təminatı rolunu, vergi sistemi isə sosial yönümlü bazar iqtisadiyyatlı bütün ölkələrdə olduğu kimi iqtisadiyyatın tənzimlənməsində, büdcə gəlirlərinin formalaşmasında, qiymət artımının məhdudlaşdırılmasında, infilyasiyanın aşağı salınmasında, təkrar istehsal prosesinin iştirakçılarının iqtisadi maraqlarını ifadə etməklə, onların tarazlığını və bununla da ictimai tərəqqini təmin edir.
