Xam neftdə xlor ionun üç sorbent
qarışığının sorbsiyası
Cədvəl 6-da yuxarıda göstərilmiş üç sorbentlərdən kompleks birgə istifadə etməklə xam neftin sorbsiya prossesinin nəticələri verilmişdir.
Qeyd edək ki, bu prossesin aparılması zamanı sorbsiya kalonu aşağıdan yuxarıya poliuretan əsaslı sintetik sorbent, 3 mm fraksiyalı təbii ağac kəpəyi sorbenti və təbii seolit olmaqla doldurulmuşdur. Bu üç sorbentin kompleks qarışığı 100 ml xam neftin sorbsiyası zamanı xam neftdə xlor ionunun qatılığını 42,6 mq/l-dən 6,5 mq/l-ə qədər aşağı salır. Bu xam neftin 84,7 %-lə xlor ionundan təmizlənməsi deməkdir. Yeddinci sorbsiya prossesində xlordan təmizlənmə dərəcəsi cəmi 72,8% -ə qədər aşağı düşür. Onuncu sorbsiya prossesində əlavə edilən 100 ml xam neftdə xlorun qatılığını 19,8 mq/l olmuşdur. Bu isə üç sorbentin kompleks qarışığının xam nefti təxminən yarıya qədər (R=53,5%) xlor ionundan təmizləmək deməkdir. Onüçüncü sorbsiya prossesində sorbsiya olunmuş neftdə xlor ionunun qatılığı xam neftdəki qatılığdan çox az fərqləndiyi üçün sorbsiya prossesi dayandırılır.
Qeyd edək ki, bu üç tip sorbentdən yalnız təbii seolit və ağac kəpəyi asanlıqla desorbsiya, yəni regenerasiya oluna bilir. Poliuretan əsaslı sintetik sorbenti isə yenisi ilə əvəz etmək məqsədə uyğundur.
Dostları ilə paylaş: |
