10.5. Daromadlar siyosati va aholi turmush
darajasining o`sishi
Aholining turmush darajasi ko`p jihatdan uy xo`jaliklarining jam`garilgan aktivlari va
oilalarning joriy daromadlariga bo`gliq bo`ladi. O`zbekistondagi oilalarning 98 foizi, joriy moddiy
holatidan qat`i nazar, o`zlarining xususiy mulki bo`lgan shaxsiy turar-joylariga ega. Oilalarning
katta qismi, jumladan, qishloq joylarida yashovchi kam ta`minlangan aholining katta qismi esa –
96,7 foizi, qishloq xo`jalik mahsulotlari yetishtirish yoki kichik tadbirkorlik faoliyatini yuritish
mumkin bo`lgan, meros qilib qoldiriladigan tomorqa yerlariga ega (10.5.1-jadval).
10.5.1-jadval
Oilalarning o`z uy-joyi va meros qilib qoldiradigan tomorqa yerlari bilan
ta`minlanganligi
Joriy
daromadlar
bo`yicha
kvintillar
Kvintilda
o`z
uy-joyiga
(individual uy yoki ko`p
xonadonli uyda kvartiraga)
ega bo`lgan oilalar salmo`gi,
(%da)
Kvintilda tomorqa yeriga ega
bo`lgan
oilalar
salmo`gi,
(%da)
1 kvintil
98,2
87,3
5 kvintil
97,8
56,2
Yashash joyi
Shahar
94,9
51,9
Qishloq
98,3
96,8
Manba: O`zbekiston Respublikasi Davlat statistika qo`mitasi
Turmush darajasining muhim xususiyati, aholi uchun munosib turmush sharoitini
ta`minlaydigan kommunal xizmatlarning asosiy turlaridan foydalanish imkoniyatlari
hisoblanadi.
Mamlakatimizda 1990-2010 yillar davomida ikkita maqsadli davlat dasturi – Aholini
toza ichimlik suvi va tabiiy gaz bilan ta`minlash dasturlari amalga oshirildi. Mazkur
dasturlarni amalga oshirish mobaynida, davlat byudjeti va byudjetdan tashqari mabla`glar,
shuningdek, xalqaro moliyaviy institutlarning jalb qilgan kreditlari hisobidan 114,2 ming
km. masofada suv tarmoqlari va 77,3 ming km. masofada gaz tarmoqlari qurib bitkazildi.
2011 yilning boshidagi holatiga ko`ra, aholining markazlashgan suv ta`minotidan
foydalanish darajasi 82,6 foizni, gaz uchun esa – 83,7 foizni tashkil etdi.
Dostları ilə paylaş: |
