Иқтисодиётни давлат томонидан тартибга солиш усуллари фани бўйича

Korporativ obligatsiyalar
–
korporativ tashkiliy tuzilmalar (yuridik shaxslar) tomonidan 
o`zining faoliyatini moliyalashtirish uchun muomalaga chiqarilgan qarz instrumentlari. 
Valyuta bozori
–
xorijiy valyutalar yoki xorijiy valyutadagi to`lov hujjatlari bo`yicha 
operatsiyalarni amalga oshirish bilan bog`liq iqtisodiy munosabatlarning alohida sohasi.
Mamlakat iqtisodiyotining raqobatbardoshliligi
– mamlakatning o`rta va uzoq muddatga 
iqtisodiy o`sishning yuqori sur`atlarini ta`minlab turish qobiliyati. 
Milliy iqtisodiyotning raqobatbardoshliligi
– iqtisodiyotning to`lovga qodir talabga mos 
keluvchi, iqtisodiy o`sish va turmush sifatini oshirishni ta`minlaydigan tovar va xizmatlar ishlab 
chiqarish va ichki hamda tashqi bozorlarda sotish qobiliyati. 
Iqtisodiyotning tarkibiy tuzilishi –
iqtisodiyotning turli qism va bo`laklari o`rtasidagi 
proportsiyalar va o`zaro nisbatlar. 
Tarkibiy o`zgarishlar siyosati
– davlat tomonidan amalga oshiriladigan, iqtisodiyotning 
tarkibiy tuzilishini takomillashtirish, uning samaradorligini oshirishga qaratilgan chora-tadbirlar 
majmui. 
Kooperatsiya aloqalari
– mahsulot ishlab chiqarish bo`yicha bir yoki bir necha korxonaning 
hamkorligi. 
Mahalliylashtirish –
import qilinadigan tayyor mahsulot, butlovchi buyumlar va 
materiallarni mamlakatda ishlab chiqarishni yo`lga qo`yish orqali unga bo`lgan ichki talabni 
qondirish va eksportini yo`lga qo`yish. 
Iste`mol bozoridagi mutanosiblik 
– iste`mol bozoriga taklif etilayotgan tovarlar va xizmatlar 
hajmi bilan aholining to`lovga qodir talabining o`zaro mosligi. 

---

Tashqi savdo aylanmasi diversifikatsiyasi
– eksport va importning tovar nomenklaturasini
va hamkor davlatlar sonining kengaytirilishi.