İXTİsas: “İstehlak mallarının ekspertizası və marketinqi”

 

 

 

 

 

 

 

 

 

---

 

19

1.3.  Uşaq oyuncaqlarının əsas keyfiyyət göstəricilərinin xarakteristikası 

 

 

Oyuncaqlar təsdiq edilmiş  nümunə etalonuna  və  müqavilənin  texniki şərtlə-

rinə  uyğun olmalıdır. Oyuncaqların əsas keyfiyyət  göstəriciləri bunlardır:  düzgün, 

forma, kənarları düz, iti tilləri olmayan, tilişkəsiz, çatsız. 

Oyuncaqların  səthinin  rənglənməsi  hamar,  qırışsız,  şişsiz  olmalı,  şəkillərin 

qarışması olmamalıdır. Məmulatın bütün detalları möhkəm birləşdirilməlidir. 

Nəqliyyat oyuncaqlarından qapılar rahat açılmalı, təkərlər sərbəst, bir-birinə 

dəymədən,  ox  üzərində  əsmədən  fırlanmalıdır.  Burulan  mexanizmlər  düzgün  və 

yaxşı işləməli, lazımi məsafəni qət edə bilməlidirlər. Elektrik mühərrikli mexaniki 

oyuncaqlarda gərginlik 12 voltdan yüksək olmamlıdır.  

Yümşaq,  içi  hava ilə doldurulmuş oyuncaqlarda doldurulma bərabər olmalı, 

üst parça dartılmalı, tikişlərdə sökük və qırışıq olmamalıdır. 

Oynaq  vasitəsilə  sərbəst  hərəkət  edən  oyuncaqların  detalları  lazımi  istiqa-

mətə  fırlanmalı  və  sistematik  forma  almalıdır.  Oynaqlara  (həncama)  detalların 

möhkəm birləşməsi təmin edilməlidir. 

Musiqili, səsli oyuncaqlarda səs cihazları ilə yerləşdirilir ki, onları zədələmə-

dən  yerindən  çıxarmaq  mümkün  olmasın.  Səs  cihazı  səsi  düzgün  təqlid  etməli  və 

heç bir maneə olmadan işləməlidir. 

İçərisi  hava  ilə  doldurulmuş  oyuncaqlarda  hava  vurulan  klapan  tıxacla  her-

metik  bağlanmalıdır.  Musiqi  alətləri  düzgün  formaya  malik  olmalı,  səslənmə  tə-

mizliyi, xoşagəlimli səs tembri ilə fərqlənməlidir. 

Diatonik  və  xromotik  səs  düzümlü  musiqili  oyuncaqlar  standart,  birinci 

oktavalı 440 herslik “lya” kamertonu vasitəsilə köklənir. 

Səs  cihazları  yapışqan  vasitəsilə  yapışdırılır,  klapanlar  dayağa  möhkəm 

sıxılaraq  möhkəmləndirilir.  Basmalar,  düymələr,  akkordion,  qarmon,  royal  və 

pianinoların  dilləri  sıra  ilə  bir  zolaqda  səslərin  notdakı  ardıcıllığına  uyğun  olaraq 

yerləşməlidir. Oyuncaqların səsi 65 detsibeldən yüksək olmamalıdır. 

Oyuncaqların keyfiyyətini yoxlayan ekspert, oyuncaqlara qoyulan əsas sani-

---

 

20

tar-gigyenik tələblərlə tanış olmalıdır. 

Dövlət sanitar təftişi tərəfindən “Oyuncaq istehsalı və satışı üzrə sanitar qay-

daları” müəyyən edilmişdir. Oyuncaqlar elə materiallardan hazırlana bilər ki, onları 

sanitar epidemioloji orqanlar təsdiq etmiş olsun. 

Oyuncaqların  hazırlanması  üçün  yalnız  tərkibində  insan  sağlamlığına  ziyan 

gətirə biləcək zəhərli  maddələr olmayan, qoxusuz materiallardan istifadə edilməli-

dir. 

Oyuncaqlarda mexaniki xarakterli heç bir nöqsan olmamalıdır. Belə nöqsan-

lar aşağıda xarakterizə edilir.