ƏDƏBİYYATI, TƏZKİRƏLƏR ŞAİRLƏRİMİZ HAQQINDA B. e. VI əsrin sonu, VII əsrin əvvəllərində Azərbaycanın Albaniya ərazisində Girdiman dövləti yaranmışdır. Hələ V əsrin əvvəllərində Azərbaycanda 52 hərfdən ibarət alban əlifbası meydana çıxır. Moisey Kalankatlı „Ağvan tarixi“ əsərini yazır. Bunlara əsasən Azərbaycanda orijinal bədii əsərlərin yarandığı söylənir. Davdağın Cavanşirin ölümünə yazdığı ağı, „Ağvan tarixi“, Mixitar Qoşun əsəri və başqaları bu qəbildəndir. Akad. Z. Bünyadovun da dediyi kimi, Qriqorian kilsəsinin ruhaniləri Aranın ədəbi abidələrini məhv etməzdən əvvəl onları qrabara tərcümə edirdilər. Buna baxmayaraq mütəxəssislərin də dediyi kimi, bunların erməni ədəbiyyatı ilə heç bir əlaqəsi yoxdur.
