Fərdi Tədris Planı aşağıdakı komponentlərdən ibarətdir:
Şagird haqqında məlumat: soyadı, adı, yaşı, ünvanı. Bu bölmədə komanda üzvlərinin siyahısı da verilir.
Şagirdin hazırkı bilik və bacarıq səviyyəsi: Bura şagirdin qiymətləndirmə zamanı toplanmış məlumata əsaslanan inkişaf səviyyəsi haqqında məlumat daxil edilir.
Məqsəd və vəzifələri: Bura komanda üzvləri tərəfindən müəyyən edilmiş, əsas bacarıq və davranışların mənimsənilməsində uşağa kömək edəcək məqsəd və vəzifələr daxil edilir.
Xüsusi və əlavə xidmətlər: Bu bölmədə şagirdə göstəriləcək xüsusi xid-mətlərin siyahısı verilir. Əgər lazımi xidmətlər məktəbdə göstərilə bilməzsə onda valideynlərə müvafiq mütəxəssislərin yanına getməsi tövsiyə olunur.
Sinif mühitinin uyğunlaşdırılması və işin təşkili: Bu bölmədə xüsusi qayğıya ehtiyacı olan şagirdin adi sinifdə təhsil almasına yardım edəcək uyğunlaşdırmalar (məs: şagirdin gözü zəifdirsə onu birinci sırada əyləşdirmək) və işin təşkilində edilən dəyişikliklər təsvir olunur.
Fəaliyyət müddəti: Bura planın ümumi fəaliyyət müddəti və ayrı-ayrı xidmətlərin təqdim edilmə müddəti haqqında məlumat daxil edilir.
Şagirdin uğurları haqqında məlumat: Cari qiymətləndirmə və şagirdin uğurlarının monitorinqini Fərdi Tədris Planının ayrılmaz tərkib hissəsidir. İnformasiyanın əldə olunması üçün müşahidə, portfolio, nəzarət kartları, şagirdlərin işləri, davranışın təsvir olunduğu qeydlər və s. üsullardan istifadə etmək olar.
