Ixtisas: Məktəbəqədər təhsil və təlim Kur: III fənn: İnklüziv təhsil və təlim

müəllim və şagirdlərin psixoloji –pedaqoji fəaliyyət və ünsiyyətin xüsusiyyətlərini öyrənmək;

uşaqların psixi inkişafında və davranışında olan qüsurların profilaktika və korreksiyası işini təşkil etmək;

problemli uşaqların sosial-psixoloji və pedaqoji reablitasiyasına yardım etmək.

Praktik psixoloqun işinin əsas istiqamətlərini aşağıdakı kimi xarakterizə etmək olar:

• psixoloji maarifləndirmə;

• psixoloji profilaktika;

• psixoloji diaqnostika;

• psixoloji korreksiya;

• psixoloji məsləhət;

• psixopedaqoji konsilium.

Psixoloji maarifləndirmə dedikdə pedaqoji kollektivin –müəllimlərin, şagirdlərin və valideynlərin psixoloji biliklərlə ilk tanışlığı başa düşülür. Psixoloji maarifləndirmə aşağıdakı formalarda həyata keçirilir: mühazirə, psixoloji ədəbiyyatın tematik sərgisi, söhbətlər, seminarlar, valideynlər klubu, psixoloji qəzet və s. Bu isə psixoloqun fəaliyyəti və bu istiqamətdə işinin nəticəsində mümkündür.