Fəal dinləmə. müəllim ailə üzvlərini dinləyir, onların baxışlarına hörmətlə yanaşır və öz köməyini təklif edir. Bu yolla müəllim ailə üzvlərinin, uşağın və şəraitin bir çox xüsusiyyətləri haqqında ətraflı məlumata malik olur.
Sual vermə. Müəllim məlumat toplamaq məqsədi ilə suallar verir, söhbətin mövzususnu genişləndirir və aydınlaşdırır. Müxtəlif suallar vermək, müəllimə bir-birindən fərqli məlumatları əldə etmə imkanı yaradır. Bu sualların müəyyən qismi sərbəst axarlı diskussiyanın yaranmasına səbəb olur. Məsələn, "sizin uşağınızın problem nədir?" yaxud "sizin uşağınızı xoşbəxt edən nədir?" sualları geniş müzakirənin açılmasına səbəb olur. Müəllim ailənin reaksiya göstərmə və sualı cavablandırma üsulunu havadaca tutmalıdır.
