| Məktəbə hazırlıq qrupunda vaxt haqqında təsəvvürlərin formalaşdırılması davam etdirilir. Uşaqlar səhər, günorta, axşam, gecə, dünən, bu gün, sabah, tez, gec anlayışlarını və həftənin günlərini təkrar edir və gündəlik fəaliyyətləri ilə əlaqələndirirlər.
Sutkanın hissələri insanın fəaliyyəti ilə əlaqələndirilir.
Həftə 7 gündən ibarətdir və hər günün adı var. Hər gün uşaqlar həmin günün adının və keçən günün adını təkrar edirlər. Vaxt ilə əlaqədar elə mətnlər oxumaq və ya danışmaq lazımdır ki, hadisələr vaxtın dəyişməsi ilə əlaqədar cərəyan etsin və uşaqlar düzgün təsəvvür əldə etsinlər.
Sutkanın hissələri və həftənin günlərini ardıcıllıqla saymağa aid oyunlar keçirilir.
Sonra sutka ilə həftə, həftə ilə ay, ay ilə il müqayisə edilir.
Uşaqlar cari ayın adı ilə tanış edilirlər. Tədricən ayların adlarını öyrənirlər. Uşaqlarda vaxta qənaət etmək, məsuliyyətlə yanaşmaq kimi keyfiyyətləri tərbiyə etmək lazımdır.
İstifadə olunmuş ədəbiyyat
Məktəbəqədər müəssisələrdə təlim və tərbiyə proqramı, Bakı, 1998.
Həmidov S.S., Uşaqlarla sadə riyazi təsəvvürlərin formalaşdırılması metodikası, Bakı, APİ, 1987.
N.Rüstəmova, Z.Zeynalova, Uşaqlarda sadə riyazi təsəvvürlərin öyrədilməsi metodikası, Bakı, 1993.
İ.Rüstəmov., A. Novruzov “Sadə riyazi təsəvvürlərin formalaşdırılması metodikası”, Naxçıvan. 2013
Метлина Л.С. Математика в детском саду, М., «Прсвешение», 1984.
Красницкая Г.С. самостаятельные работы учащихся педучилищ по курсу «Методика формирования елементарных математических представлений», М., «Прсвешение», 1996.
Dostları ilə paylaş: |
