| Müəllim: Novruzi Nurlana Azad q.
nnurlana91@mail.ru
Plan:
Ali sinir fəaliyyəti və davranış fiziologiyasının predmeti və üsulları.
Davranışın adaptiv növ və formaları.
Homeostatik davranış.
İmpritinq və təlim.
Mürəkkəb şərtsiz reflekslər davranışın emosional əsası kimi.
Ali sinir fəaliyyəti dedikdə İ.P.Pavlov beyin qabığı ilə qabıqaltı törəmələrin qarşılıqlı iş mexanizmlərini nəzərdə tuturdu. O, ASF-nin əsas iş prinsipini və sinir mexanizmini şərti reflekslərdə görür və hesab edirdi ki, fərdi həyatda qazanılan bu reflekslər insan və heyvanların yeni təcrübə əldə etməyə və mühitə uyğunlaşmağa imkan verən universal sinir mexanizmidir.
Pavlov ibtidai sinir fəaliyyətinə insan və heyvanların filogenetik cəhətdən ciddi müəyyən olunmuş növü, instinkt reaksiyalar və davranış xassələri kimi baxırdı. Bütün bunların əsasını şərtsiz reflekslər təşkil edir və onlar ən çox beyin sütununun və MSS-nin səviyyəcə daha aşağıda yerləşən şöbələrinin iştirakı ilə həyata keçirilir.
Pavlov şərtsiz və şərti refleksləri ümumi sinir fəaliyyətinin ayrılmaz cəhətləri və təzahür formaları kimi baxırdı. O, ASF-ni ibtidai sinir fəaliyyəti zəminində formalaşdığı ideyasını rəhbər tuturdu.
Pavlov ASF haqqında təlimin məzmununa şərtsiz və şərti refleksləri, birinci və ikinci siqnal sistemləri daxil etmişdir.
Dostları ilə paylaş: | 
