Ixtisas: Təhsildə sosial psixoloji xidmət Kur: III fənn: İnklüziv təhsil və təlim

Müəllim və müəllim köməkçisinin vəhdəti, hər birinin vəzifələri

Xüsusi qayğıya ehtiyacı olan uşaqların tipik uşaqlarla birgə təlim-tərbiyə prosesinə qoşulması üçün sinif müəllimi və müəllim köməkçisinin işinin vəhdət təşkil etməsi vacib şərtlərdəndir. Müəllim və müəllim köməkçisinin konkret vəzifələrini aşağıdakı kimi təsvir etmək olar:

Müəllim:

• 
  Xüsusi qayğıya ehtiyacı olan şagirdləri cəmiyyətdə tam hüquqlu şəxs kimi təqdim edir;
  
• 
  İnklüziv təhsilə cəlb olunmuş şagirdin psixofizioloji fərdiliyini bilir;
  
• 
  Professional olaraq inklüziv təhsillə bağlı nəzəri və praktik biliklərə malikdir;
  
• 
  Hər bir xüsusi qayğıya ehtiyacı olan şagirdin diaqnozları haqqında lazımi məlumata malik olur;
  
• 
  Müəllim köməkçisi ilə birlikdə dərsi planlaşdırır və onunla birlikdə işləyir;
  
• 
  İnklüziv təhsilə qoşulan xüsusi qayğıya ehtiyacı olan şagirdlərin Fərdi Tədris Planının hazırlanmasında əsas məsuliyyət daşıyır;
  
• 
  Fərdi Tədris Planında nəzərdə tutulmuş uyğun akkomodasiya və modifikasiyaları həyata keçirir;
  
• 
  Diferensial təlimi təmin edir;
  
• 
  Şagird şəxsiyyətini inkişaf etdirən strategiyalardan istifadə edir;
  
• 
  Digər fənlərlə (xüsusi qayğıya ehtiyacı olan şagirdlərin daha çox maraq göstərdiyi fənlərlə) əlaqə yaradır;
  
• 
  Müəssisədə təhsil alan hər bir şagirdin uğurları ilə bağlı müşahidələr aparır;
  
• 
  Xüsusi qayğıya ehtiyacı olan şagirdlərin formal və qeyri-formal qiymətlən-dirilməsini təmin edir;
  
• 
  Valideynlərlə effektiv iş birliyi yaradır və onları məlumatlandırır;
  
• 
  Hər rübün (yarım il) sonunda məktəb rəhbərliyi qarşısında hesabatla çıxış edir;
  
• 
  Müəssisə daxilində peşəkar inkişaf yönümlü treninqlər və mini seminarlarda iştirak edir;
  
• 
  Etik davranış normalarına riayət edir;
  
• 
  İnklüziv təhsilə cəlb olunan şagird haqqında bütün məlumatların məxfiliyini qoruyur.