Topoqrafik modelə görə materialın işlənməsinin tipləri.
Topoqrafik model materialın işlənməsinin iki tipini ayırd edir: birincili və ikincili proses.
Ikincili proses hamıya yaxşı məlum olan təfəkkür prosesidir. Bizim şüurlu və ya qeyri-şüuri psixi fəaliyyətimiz ikincili proses tərəfindən həyata keçirilir. O, sağlam düşüncəyə,məntiq qanun-larına tabedir, rasional və mütəşəkkildir. Ikincili proses reallıq prinsipini rəhbər tutur, yəni xarici aləmin real şəraitinə tam uy-ğun gəlir. Məsələn, ikincili prosesin qanunları bu günün dünən və ya sabah ola bilmədiyini, yaxud insanın eyni zamanda iki məkanda yerləşməsinin qeyri-mümkün olduğunu israr edir. Bu müddəalar şübhəsiz və danılmaz olduğundan ikincili prosesin mövcudluğu da bizim tərəfimizdən şəksiz və təbii görünür.
