1.Nitqin anatomik - fizioloji mexanizmi, quruluşu və nitq fəaliyyətinin funksional təşkili haqqında məlumat, birinci – nitqin mürəkkəb mexanizminin normal olmasını, ikincisi – nitq patalogiyasının analizinə differensial yanaşmanı və üçüncü – korreksiyaedici təsirin yollarını düzgün müəyyən etməyə imkan verir. Nitq aktı orqanların mürəkkəb sistemiylə həyata keçir və aparıcı rol baş beyinin fəaliyyətinə məxsusdur. Uşaqlarda düzgün və rəvan nitqi formalaşdırmaq, onlarda mövcud nitq çatışmamazlıqlarını aradan qaldırmaq üçün onun normal anatomikfizioloji aparatı haqqında biliklər olmalıdır. Nitq aparatı bir-biri ilə sıx qarşılıqlı əlaqədə olan mərkəzi (tənzimləyici və idarəedici) və periferik (icraedici) hissədən ibarətdir.
