Loqopediyanın tədqiqat metodları (müşahidə, müsahibə)
Loqopediyanın tədqiqat metodları (eksperiment, test)
1.Loqopediyanın bir elm kimi metodlarını şərti olaraq bir neçə qrupa bölmək olar.
Birinci qrup – təşkilati metodlar: müqayisəli, longityudinal (dinamikanın tədqiq edilməsi), komplekslik.
İkinci qrup – empirik metodlar: müşahidə, eksperiment (laborator, təbii təşkil edilmiş və ya psixoloji eksperiment), psixodiaqnostik (test, standartlaşdırma, anket, söhbət, müsahibə), anamnestik metod – məlumatların toplanması və analizi.
Üçüncü qrup – toplanmış məlumatların kəmiyyət və keyfiyyətinin analizi (riyazi-statistik), elektron hesablama maşınından istifadə etməklə məlumatlara düzəliş vermək.
Dördüncü qrup– interpretasion metodlar: öyrənilən hadisələr arasında əlaqənin nəzəri araşdırılması üsulları (bütöv bir hadisəylə ayrı-ayrı parametrlərin arasında, funksiya ilə şəxsiyyət arasında, hissəylə bütöv arasında əlaqə). Müayinə zamanı texniki vasitələrdən geniş istifadə etmək. Bu da müayinənin obyektivliyini, bütövlükdə nitq fəaliyyətinin dinamikasını və onun ayrı-ayrı komponentlərini öyrənməyə imkan verir.
