3.4.1 Torpaqların aqroistehsal qruplaşması
Torpaqların aqroistehsalat qruplaşması – torpaqların təsnifat vahidlərinin xassələrinə və ya hər hansı bir kənd təsərrüfat bitkisinə, yaxud bitgi qrupuna münasibətdə yaxın aqronomik keyfiyyətlərinə görə birləşdirilməsidir. Torpaqlar beş aqroistehsal qrupunda qruplaşdırılmışdır.
I qrup – yüksək keyfiyyətli torpaqlar. Bu torpaqlar yüksək balla (81- dən çox) qiymətləndirilərək yüksək siniflərə (IX-X) daxil edilmişdir.
II qrup – yaxşı keyfiyətli torpaqlar münbitlik göstəricilərinə görə 61-80 balla qiymətləndirilmiş və VII-VIII bonitet sinfinə aid edilmişdir.
III qrup – orta keyfiyyətli torpaqlar. Bu torpaqlar 41-60 balla qiymətləndirilərək V - VI bonitet siniflərinə aid edilmişdir.
IV qrup – aşağı keyfiyyətli torpaqlar, 21-40 balla qiymətləndirilmiş və III-IV bonitet siniflərinə aid edilmişdir.
V qrup – kənd təsərrüfatı istehsalı üçün şərti yararsız torpaqlardır. Bura güclü şorlaşmış, güclü şorakətli, daşlı, bataqlıq torpaqları daxildir.
3.4.2 Yaylaqlar
YAYLAQLAR – mal-qaranın yay zamanı otarıldığı ərazi, yer. Maldarlıq meydana gəldikdən sonra yaylaqdan dan geniş istifadə olunur. Azərbaycanda yaylağın əksəriyyəti dəniz səviyyəsindən 3000 m-ə qədər yüksəklikdədir. Böyük və Kiçik Qafqaz dağlarındakı alp və subalp çəmənlikləri qoyunçuluğun qədim yaylağı sayılır. Azərbaycanda təqribən 6 minlik tarixi olan yaylaqdandan indi də geniş istifadə olunur (Şəkil 1.10-11).
Şəkil 1.10. İsmayıllı rayonun yay otlaqları-alp çəməni
Şəkil 1.11. İsmayıllı rayonun yay otlaqları-subalp çəmən
Dostları ilə paylaş: | 
