3.3. Elektrik enerjisinin optik şüalanmaya çevrilməsi. Optik və istilik şüalanma elektrik mənbələrinin təsnifatı. Şüalanma mənbələrinin optiki, elektrotexniki, energetik və istismar xarakteristikaları: közərmə lampaları, aşağı və yüksək təzyiqli boşalma lampaları. İşıqlandırıcı qurğular və onların xarakteristikaları. Lampaların parametrlərinin seçilməsi və hesabatı, onların yerləşdirilməsi.
Kənd təsərrüfatı istehsalatında şüalandırıcı qurğular. Bioloji obyektləri ziyanvericilərdən mühafizə və müalicə etmək, kənd təsərrüfatı məhsullarının emalı, qurudulması, istixanaların,bitkilərin və heyvanların şüalandırılması və qızdırılması üçün görünən, infraqırmızı, ultrabənövşəyi şüalanma qurğularının hesabatı və seçilmə prinsipləri.
3.4. Yüksək gərginlikli elektrik impulslarının və elektrik sahələrinin alınması üçün qurğular. Elektrik impulslu generatorların, elektrostatiki, taclı sahələrin və yüksək tezlikli yüksək gərginlikli sahələrin elektrik generatorlarının iş prinsipi və xarakteristikaları. Elektrik aerozollu, elektrik ozonlaşdırıcı və elektrik ionlaşdırıcı qurğular. Elektrik taclı filtrlər. Heyvandarlıqda, bitkiçilikdə ozonun istifadəsi və generasiya edilməsi.
3.5. Heyvandarlıqda, bitkiçilikdə və kənd təsərrüfatı məhsullarının emalında texnoloji maşınların və axın xəttlərinin elektrik intiqalı. Sabit cərəyan və asinxron elektrik intiqallarının elektromexaniki və mexaniki xarakteristikaları. Asinxron və sabit cərəyan mühərriklərinin sürətlərinin nizamlanma üsulları. Elektrik mühərriklərinin orta güclü mənbələrdən işə salınma xüsusiyyətləri. Elektrik intiqalında keçid prosesləri. Elektrik intiqallarının iş rejimləri. Elektrik mühərriklərinin qızma və soyuma tənliklərinin analizi.
Dostları ilə paylaş: |