Jee le Sahil ' tu zindagi ko sanwaar ke Yeh jhagde yeh fasaad hain sab be kaar ke
Yüklə 479,49 Kb.
|
Khush Dil Insaan Na gham kahin na soz e dil Hai kis ki yeh nayaab mehfil Na shor o ghul na hungama Har dil men hai ik khush dil Yeh baagh hai phool kalion ka Na baar kahin na koi mehmil Toofaan se kyon darey koi Miley har kashti ko gar sahil Nasoor nahin yaan zakhm koi Khush dil kar deta hai mundamil Saraab hai yeh ya khwaab koi Tu hi bata hamen 'sahil' Yaro, dastaan yeh pariyon ki hai Kahan milte hain yahan, aaj khush dil 135. Ai fana, aaj phir tera kamaal hua Mohammed Ali ka irtehaal hua Bhool baitha hai tujhe ayaashi men insan Aaj phir, ik achha insaan paemaal hua Khudaya, jab parinde tere badle nahin Tere bashar ka kyon yun zawaal hua Jab fana hai fitrat har jaan ki yaro Phir, kaho jaavidaani ka kya sawaal hua Sharmaa kar aftaab ki laali se, chaand Odhe hai chaadar shab ki, kya visaal hua Ya rab, maseeha se le kar ram talak Nek insan ka jeena kyon mohaal hua Firasat ke daawedaar har mod per hain Phir kyon, ya rab,tera jahan be haal hua Takhleeq teri yaksaan hai, maana Koi paighambar bhi nahin be misaal hua Ghaarat hai har ja, sookha hai darya, to Ashk ka falak ka araq e infeyaal hua Sunte hain kamaal ahl e siyaasi ka Ik arsa hua lafz e hu, istemaal hua. Tu zinda hai 'sahil', zinda hi reh Hum samjhe they tera bhi inteqaal hua 136.
Gulsitaan men rehnewalo, tum rehna ba khabar Kya khabar kis gul per rakhta, hai kaunsa khaar, nazar Guzri ho zindagi jin ki, andheron men dosto Ujaalon men phir unhen lagta hai bahot dar Danke mat bajao mardaanagi ke yaro Naazuk hota hai bahot yeh nanha sa jigar Guzar gayi hai shab ek aur, shaahid hai aftaab Ab de mujhe khabar koi, kal ki bhi magar Pata maalum kiya tha tujhse main ne , ai vaaiz Nahin hai gar raah e khuda, to kya hai yeh dagar Main aashna hun 'sahil' mafhoom e zindagi se Tamasha hai yeh lamhaat ka, saanson ka yeh safar. 137.
Na ho sada jaras ki, kyon chaley phir kaarwaan Naqsh e pa na banen 'sahil', to rahen kya nishaan Mat puchho mujhse logo, tum nasheman ka mere Bas reg hi hai jahan mera, reg hi mera aashiyan Khush hun main is reg per, nahin hun sar gardaan Mat rakho zahn men yaro, tum koi gumaan Aasaan hai jeena reg per, aasaan, bahot aasaan Ulfat kahan hai aasaan yaro, tum le chalo wahaan Kya dekhte ho falak ko, kyon takte ho sitaare Zamin o aasmaan ke nahin, hai kuch bhi darmiyaan Puja aur sajda kya, maseeha aur payambar kya Dair kya, haram kya, yaro dil hai sabka aasitaan Mat rukna 'sahil' tu kabhi, yeh zeest hai imtehaan Rehna tu manind e darya, sumundur tak rawaan. 138.
Daastaan tum ab 'sahil' koi kuhan mat sunaana Kahin jaag na jaaye khuftah koi hadisa kabhi Muhaal na ban jaaye, naadaan dil ko samjhaana Raat tumahaari hai jawaanon, peeri se bahot door Hum khwaabon men basey hain, hamen mat jagaana Umeed rahey zinda to sahal hai phir yaro Shab ki zulmaton ko, apni raahon se mitaana Sar gardaan rahey zahn to muzaiqa nahin koi Dil ke khaanon men dosto, ranj o alam mat basana Deti nahin hai zeest mauqa dobara, kabhi Haath aaye jab bhi mauqa, yun hi mat ganwana Muntazir hai jo dar per, naam uska hai fana Jalwon men tum logo, is baat ko mat bhulana Main ja chuka hun 'sahil', khud hi se itna door Ab fuzul hai sada dena, be matlab hai bulana 139.
Na ho riza to subh o shaam kya ho Ai zeest, na ho fanaa to tera anjaam kya ho Darogh na ho to be rang ho duniya Sadaqat ka kaho phir daam kya ho Jamshed na raha to jam e jam hai kahan Mai na ho saqi to bata jaam kya ho Insaniyat hi rakhti hai jahan ko qaaim Yaro, raabita na ho to dua salaam kya ho Ai kufr go dosto koi yeh to samhjhaye Na ho rab to hayat ka maraam kya ho Chalen gar insaan sab raasti ki raah per Yaro, phir maseeha kaun aur ram kya ho Zindagi se itni mahabat kyon hai, 'sahil' Soch, gar fana na ho to dawaam kya ho 140.
Chhordiye aap Mir ko, kya karni wo ustaadi Hamen kalaam padhne ki chaahiye khuli aazaadi Yeh qaafiye ki bandish, yeh radeef ki nazakat Nazm to kinaare lagi, hui ghazal ki barbaadi Na maange gar namaaz men kuch bhi tu 'sahil' Puchhega khuda khud tujhse, tu kaun hai faryaadi Na dogey kya kaandha mujhe ik roz tum, yaro Maana, zamaana badla hai, per rasm yeh hai puraani Kis kuche ki veerani hai, yeh 'sahil' tu hi bata Kya yahaan biraaj maan tha kabhi, Jigar Moradabadi 141.
Jaan teri us paar hai, be zaar hai tera dil Na hua gar zakhm mundamil tera kabhi bhi Kahan le jaega safina tujhe, gar us paar na hua sahil Koi to raaz hoga 'sahil' jhijhikta kyon hai tu Na aashna nahin hai tu, tere yaar ki hai mehfil Sadqe jaaun jaanan tere, tawaaf main karun Istiqbaal karun main phulon se, gar haar jaaye mil Dil to hum bhi luta chuke kayi baar, ai 'sahil' Jaan bhi haazir hai agar koi khareedaar jaaye mil 142. Boray ke qaabil bhi na rehta, 'sahil' Qasm khuda ki tod kar Ja raahi, alvida, khuda haafiz,ja Mat dekhna nigahen tu mod kar Jahan ka dastoor hai yeh kuhan, bahot Chaley jaate hain sab, sab ko chhord kar Saaqi, na samjha tu maikade ke usool Hum ne pi hai, jaam per jaam tod kar Kaisa hai 'sahil' , junoon yeh shayari ka Hosh na aaya, yeh sar phod kar 143. Rona aaye 'sahil' agar to zaar zaar aye,
Kaun jaanekaunsi shaakh per kal bahaar aaye Udta kahan se mere gul per khaar aaye Jangal hai jahan haiwaan baste hain yahan Mumkin nahin veerane men gulzaar aaye Sumundur ki hai dost, khaufzada hai magar Be khabar hai kashti, girdaab kinare ya manjdhaar aaye Lutf kya kaarzaar e zindagi ka yaro, kaho Jab talak adoo na ru ba ru shaandaar aaye Fana to fitrat hai hayat ki yaro, phir Tafreeq kya gar maut aaye ya rasan o daar aaye Khazan ka daur hai, afsurdah hai aaj dil Andaleeb aaye, khwaah mera dildaar aaye Jaam tha, gulfaam tha, sukun na tha saqi magar Tere maikade se aaye, bahot be qaraar aauye Kar le sauda qaza mujhse, hamsafar bana le Ke baad e marg mujhe mukammal qaraar aaye 'Sahil', aasaan hai jeena, bas lete rehna nafas Vaada nahin hai lekin,' ke tujhe qaraar aaye 144. Jo so lete hain raat ko 'sahil' wo qismatwale hain Sah lete hain shab ki zulmat wo himmatwale hain
Wohi asl momin hain, asl ibadatwale hain Mil jaaya mahabat jinko, is ahd e riyakaari men Nematen hain bakhshish unko, wo qismatwale hain Hoti hai jaan pyaari sab ko, apni apni yaro Fikr karen jo auron ki, wo murawwatwale hain 'Sahil', puchha jab khuda ne bande, teri riza kya hai To puchha usne un logon se, jo himmatwale hain 145. Jaante tha baad e khazan bahaar aayegi,
Raakh to ban na hai, fitrat hai fana Kab talak mujhe yeh naar jalayegi Khareed o farokht ka haal dekhiye Fikr hai bazaar ko kab garmi aayegi Zeest sambhal ja,hasrat karegi fana Phir, maut tujhe gunahgaar thahrayegi Tere dar pe to aata hun saqi, lekin Mai nahi, aarzu maikhwaar banayegi Be basi ka namoona dekh, dar pe qaza 'Sahil', dil kehta hai daar pe maut aayegi Aasudagi ka shauq tujhe hai, hum jaante hain Shaikh, maidaan e kaarzaar men jaan jayegi 146. Mahlon men reh kar dekha jalwa shaan ka Ab dekh le chal kar 'sahil', khandar yunaan ka
Fikr karunga phir, tere kal ke ailaan ka Pathhar o hadeed se banti hain deewaaren Nasheman nahin hota koi, dil ke makaan ka Munafiqana mizaaj, mutalavin hai insaan Mukhtalif hai andaaz magar dil ki zabaan ka Saleeqe se jee lo, nishaniyan rahen mustaqil Yeh bhulti hai hidayat, kya hota hai haal nishaan ka Guzaari hai umr saari jab apnon ke liye 'Sahil', khud bhi to le tu lutf, chund aan ka 147. Kuchh aisa suna 'sahil', sun ne ki chaah na rahey Mir ho ya Ghalib, dil men soz o aah na rahey Mil jaaye veerani men taskeen shayad Kahin jaane ki aarzoo, koi raah na rahey Tanhayi se badh kar koi zulmat kya hai Aftaab ho ghuroob, falak men maah na rahey Karun sajde akele, jab chaahun karun Na azaan ki zururat, na khaanqaah rahey 'Sahil' baargaah e ezadi se badh kar kya hai Na faqir koi na kahin baadshaah rahey 146. Ai zameen per chalnewalo, sitaare mat deekhao Manjdhaar men ho gar kashti, to kinaare mat deekhao Haasil na hoga kuch bhi, kaarwaan e khwaab men Hum khush hain zameen per, ghubaare mat deekhao Ba khabar hain khazan se, baharon men hain paley Gulshan men ho bharam, to angaarey mat deekhao Ai kufr go yaro, tum imaan ki sham'a kya jaano Maah o anjum hain rab ke, tum andherey mat deekhao Bhoole hain log 'sahil', mahabat ka aaj mafhoom Hamen yaad hai god ma ki, tum gehwaare mat deekhao 147. Soney do khawabo, mujhe soney do
Zinda hain jin ke khwaab abhi Unhen shab bhar, subh se milne do Khalaaon se ho rabita jin ka Kunj e qafas nahin, unhen udne do Qismat per ghaalib kaun hua hai Qasd ho na kaam, to honey do Haq dil ko bhi hai roney ka, zurur Ashk usey bhi tum, bahaane do Be dard hai zamana, sookhey chashm Num unhen bhi to, kabhi honey do Zabt e sukhan men firasat hai, mian 'Sahil', jo kehte hain log, unhen kehne do 148. Ghar reg per baney, to thikana nahin hota Mahal saraab se sajey, to sajaana nahin hota Ai firasat mando, tum danke mat bajao Tum se badh kar koi, deewaana nahin hota Jo jeeta hai zeest apni, kh-moshi se dosto Jeene ke saleeqon se, begaana nahin hota Umeed rakho dil me gar jaza ki tum, yaro Phir sajda bhi tumhara, nazarana nahin hota Kyon thahra hai aaj, tera qaafila ai mir Sayyaron ka koi, thikana nahin hota Paasbaan hai zameer, kabhi soney mat dena Jab chaaha jagaya, wo jagaana nahin ho Hans liye phir ro liye, tawazzun nahin hota Har roz ka dauraahna, samjhaana nahin hota Samajh le mafhoom hadaf ka tu 'sahil' Bin soche, bin samjhe, nishana nahin hota 149.'Sahil', haasil ki tamanna to bas junoon hai Gar chashm se bahey to asl khoon hai Dil sabka hai mahabat se mahroom yahan Lekin, jisey dekho wo lagta majnoon hai Justaju hai sabko taskeen ki musalsal Gar daroon men basey wo ,to sukoon hai Kabhi sitaron se hoti thi guftagu jiski Aaj usi bashar ka kyon sar nigoon hai Har ja hai zahoor quwat ka , ai khuda Lekin, bin aqdaar tera insaan zaboon hai Maangte ho jaan, kis jaan ki baat hai Jab zindagi hi yaro maula ko marhoon hai Ya rab, tera 'sahil' seedha saada insan hai Na arastoo na hi wo koi aflatoon hai Kaun hai khush dil kaun bismil Tu hi bata hamen ai 'sahil' Phirte hain log kaasa liye Tu ghurbat men bhi tha zinda dil Hamwaar nahin hoti hai raah zindagi ki Ho zinda dilli to ho mustaqil Aaj andhera, to kal ki kya khabar Kisey pata kya hai mustaqbil Baaten hoteen hai har ja majnun ki, lekin Deewana to aakhir hai dil tera 'sahil'. 150. Na Ghalib ka hunar na Iqbal ka josh Rehne de saqi tu hamen be hosh Hosh aa jaaye to kya khabar, dost Thokaren kha kar phir hon madhosh Na Ghalib ki firasat na Iqbal ka josh Mahabat bhi bas ik silsila hai Kabhi shakwa aur kabhi gila hai Ulfat ke liye fursat hai kahan Jab tijarat men 'sahil' itna silaah hai Mahabat bhi bas ik silisila hai Junoon hai tujhe bas likhne ka Ghazal tujhe bas padhne ka Tu bhi kya shai hai 'sahil' mian Parindon ki maanind udne ka Junoon hai tujhe bas likhne ka
Yaad karenge ik din log yahan tujhe Khuda jaane qismat men kya hai teri Kaash, jannat miley wahan tujhe 'Sahil' takta rahega yeh jahan tujhe
Phir mud kar na dekha, yeh kaisi mulaqaat hai 'Sahil', kya daraayegi tujhe qaza bhi kabh Tu momin hai aur tabiyat teri be baak hai 152.
Andhere men saqi, raah ghar ki dikha de
Tu dua ko uske, asar se mila de Manjdhaar men hai kashti, ai nakhuda, dekh Toofaan ke khatar se ab tu hi bacha de Chhord falsafa, baat zindagi ki kar Ai 'Sahil' mian, daastaan apni suna de 153. 'Sahil', aasmaan ke aage bhi, aasmaan hai Dil pe bhi, zahn pe bhi, zabaan hai Dil kis ka jal raha hai, kis ka armaan hai Udta hua khala men, yeh kis ka dukhaan hai Bhadak raha hai shola, jal rahey hain gul Yeh kis ka chaman hai, kaun iska baghbaan hai, Ajab hai yeh kitni baat mere dosto Mehr ke haqdaar ka chaak daamaan hai Maano ya na maano marzi tumhaari hai Yaad rahey, yaro, imaan ka adoo gumaan hai Yeh dunya kya degi dhoka tujhe, 'sahil' Tera zameer, dil o zahn ka, paasbaan hai 154. Sulagte hain armaan aaj bhi badan men Peeri men jawaani hai aaj bhi tan men Yeh kaisa hai sauda koi to batao Amavas ki raat, aarzu maah ki gagan men Milta hai darya sumundur ko ja kar Kya us ke bhi hulchul hai kuch zahn men Kal tak khala men they naseem ke jhonke Aaj tufaan hain shaamil haseen pawan men Justaju sukun ki musalsal hai, dosto Kami kyon hai phir, taskeen ki man men Dil lagi hai shayad yeh 'sahil' mian Ke mehfil ki raunaq ho teri kafan men 155. Manind e darya hai zeest sumundur tak ravaan Jab talak hai nafas 'sahil', tab talak hai jaan Kar le tu talaf jo chhahe, nizaam sab maula ka hai Neela hai neela rahega, ai bande tera aasmaan Dil kis ka jal raha hai aaj, sulagti naar se pursish kya Dil nahin to raakh kya hai, tu hi bata, ai dukhaan Hai hasraton ka majmua, kehte ho jisey insaan tum Ainey me dekh kar khud ko, hota hai abas pareshaan Khushamaden kya karneen 'sahil', yaksaan hain jab bande sab Ghafoor to sabka ek hi hai, sabka woh asl mehrbaan. 156.
Yeh kis ki gali hai, rihaaish yeh kis ki
Mahabat to jazba hai wafa ka, jaanaan Mahabat men phir aazmaaish yeh kis ki Takte ho tum maah o anjum ko, phir Guftagu hum se, sataaish yeh kis ki Gul, chaman men haseen tha khila hua Aaj zulfon men gul hai, aaraish yeh kis ki Shaikh, dastaar e muflisaan kyon sar per tere, Deekha kya raha hai, numaish yeh kis ki Subh ta shaam humsafar tha, aaftaab Ab sitaare hain saath, saazish yeh kis ki Anjaam hai fana, tujhe fikr kya hai 'sahil' Daur peeri ka hai, phir kaahish yeh kis ki 157.
Kh-moshi Sukhan ki baat kyon, jab kh-moshi hai chhayi hui Dil per, ai 'sahil' mian, aandhi si aayi hui Naseem na shajar na hi toofaan ki hulchul Yeh daastaan kis ne yaro, hai qabal sunayi hui Kabhi aate they gulcheen, gulshan men baaghbaan Aaj gulsitaan ko kis ne, hai chaadar pehnayi hui Khabar na thi talaf ki kya, yaaro tumhen koi Daanistaah kyon hai raah meri, aaj yun sajayi hui Kar raha hun main bayaan, haqeeqat ko aaj logo Mere dard ko na samajhna tum, meri duhayi hui Maana ke raaz hotey hain har dil men , pinhaan Tumhaare dil men kya hai kaho, baat chhupayi hui Khush they hum tanhayi men, ai dosto khud ke saath Juda kyon hum se ab, hamari tanhayi hui Kabhi tu hi tha mehfil ki raunaq, jaan uski tu Kyon lagti hai, ai yaar mere, teri shakl satayi hui Bharam tera chaman men hai, rakhiyo tu sambhaal kar Fikr nahin hai 'sahil' mujhe , gar ruswayi hui 158. Imtehaan na lo tum meri aarzoo ka Main to muntazir hun kisi adoo ka
Be hijaab ho jaanan, paas karo tum aabroo ka Zahn nahin, dil hai zabaan mahabat ki Fayeda na uthao tum raat ki guftagu ka Yun shab ko niklogi to maand hoga chaand Kya hoga batao, phir izhaar e jugnu ka Dosto, zabt e girya ki na do hidayat mujhe, Bahen na ashk mere, kya hoga ravaan joo ka Maqaam tera apna hai, ai khazaan , per Samjhaun kaise dil ko main, haal rang o boo ka Manaaun kahan tak aawaara dil ko, main Yaro batao, kya hoga meri khoo ka Ai joo e ravaan, tu thahar ja zara Paas kar, lab per baithe us sukoot joo ka 'Sahil', muntazir tha Iqbal haqeeqat ka, lekin Gar mil jaaye manzil to kya hoga justaju ka Jalwa tanhayi ka, Kabhi yahan bhi baith kar dekh lo
Pao ge taskin kamaal ki Dil baneyga naghma saaz Kh- moshi se aa kar milo Dekho nakhra, uska naaz Paoge taskin kamaal chi Saara jahan isi men hai Nahin hai manzil aur koi Kashti e zeest hai girdaab men Nahin hai sahil aur koi Ghazab hai ki yeh tanhayi Saara jahan isi men hai 159. Jo dil me aaye 'sahil' wohi kaam kar Ravaan darya ki ma-nind irqaam kar Nahin hota hai kuchh bhi bin qasd kabhi Ai bashar, tu zakhmon ka mo'aafi se iltiyam kar Junoon ka hona bhi zururi hai saaqi Tu jaam men doobne ka intezaam kar Tah khaana to nasheman hai iblees ka Ai bande, jo karna hai, sar e baam kar Bhooli hai yeh duniya naam izzat ka Ai bashar, tu insaan ka ehtiraam kar Ufuq ko dekh, ghuroob ho chala hai aaftaab Kaar apne tu musafir, sar anjaam kar Tafreeq kaisi, khuda to sabka ek hai Tu har aasitaan per 'sahil', ja salaam kar 160. Main kuchh bhi nahin, sab khuda ki ata hai Kitna haseen manzar hai, yeh kaunsi jagah hai Khwaab iram ke aur firdaus ki tamanna, Kyon lagta hai kabhi, zindagi tu saza hai Kab tak rahenge naqsh e pa zameen per Kya puchhta hai shaikh, sab us ki riza hai Ik safar hai hayat, saza kya aur kya jaza Yaro, iik lamha aur, kul zees ik lamha hai Ya rab, takhleeq hai teri yeh insan nayaab Tu hi bata farishta kaun aur bala kya hai Marhala hai zeest, isey qaafila hi samajh 'Sahil', maikadah aaj to kal khaanqah hai 161. Khandar se guftagu kaisi, jab khud hi be jaan ho Zinda ho gar dil to phir, guftagu aasaan ho Be shak be zabaan hai, be hiss nahin hai pathhar Gar dekh sako tum aansu, to guftagu aasaan ho Uth te hain valvale be sa saakhtagi se jab Khamosh hoti hai sada, dard ho ya fughaan ho Machalte they armaan kabhi, be tabaanah, yaro Ab rota hai be bas yeh dil, koi to armaan ho Mat bhoolna tu 'sahil' kabhi, rishta jabal o darya ka Pathhar agar na roye to, darya kyonkar ravaan ho 161. Ujaale ki nahin,baat hoti hai andheri raat ki Haqeeqat se baeed yahan khuraafaat ki Mere alfaaz kya denge mere honey ki gawahi Jab zameen khud zaamin hogi, ik roz is baat ki Muntazir rehti hai zindagi, fana ki sar ta sar Us aakhiri saans ki, wo zulmat bhari raat ki Momin ko kyon aate hain khayal kafirana Saqi,kya yehi asaas hai tere kharabaat ki Jab zindagi khud karti hai baaten nijaat ki Koi to samjhao yaro, ehmiyat kaenaat ki Be mohaba hai itna is daur ka insan Mat karo mujhse baaten tum mohaabaat ki Hungama e zeest ne kiye valvale kh-mosh Kyon karte ho zikr yaro ab lutf e jazbaat ki Gar paikar e ghazal bana le zindagi ko 'sahil' Mahsoos na hogi zururat , tujhe qalam o dawaat ki 162. Aaj yahan kal wahan, yun hi ravaan hai kaarwaan Phir dekhiye naar ko, aur udta sa uska dhuaan Saath reh kar waqt bitana, laazim ha ai mir mian Kisey kahenge thikana, aur kisey varna aashiaan Khana nashin ko kiya, khana ba dosh tu ne, mir Manzil jab saraab thi, baandha kyon tu ne paimaan Chaley jab ghar se saqi, zulmat bhari yeh shaam thi Tilism mehfil ki samjha, sahar sa kaisa yeh samaan Dil ke daagh rakh pinhaan, zaalim hai yeh daur bahot Kisey khabar aur chaak karey, ai bismil, tera yeh damaan Mohre aur pyaade hain sab, sab ki chaal hai apni Bisaat e zindagi se behtar, shatranj hai aasaan Ai wahdaniat ke qaail, yeh zameen bhi to usi ki hai Jis ja per baitha hai tu 'sahil', wohi hai aasitaan Takhliqaat usi ki hai, hum nadi woh bahr Tarsa aur yahood kaun, kaun brahman kaun musalman 163.
Musallat hai insaan, insan per aaj Doosron ke sar o saamaan per aaj Maah per daagh zaahiran nahin hain Ke daagh hain sab, is ke daamaan per aaj Daulat parasti ka shikaar hai yeh Jaane kehte hain kaise honhaar hai yeh Ghulaam ana ka, andaaz kaafirana Khayaali ghodon per sawaar hai yeh Isey parwa nahin kisi baat ki bhi Subh imroz, aayenda raat ki bhi Sitam raseedah hai hayaat Isey fikr nahin hai kaaenaat ki bhi Kaun samjhaayega isey, kaho Kaun bachaayega isey, kaho Yeh zeest nahin kaarzaar hai ab Kaun pehnaayega chaadar, kaho Ai bashar tu jeena aur marna seekh Sar jhuka kar chalna seekh Khuzu se badh kar kuchh nahin hai Khuda ko yaad karna seekh
Yeh insaan bahot deewaana hai Vahshat zada yeh zamana hai Bhej payambar khudaya tu Gar jahaan ko tujhe bachaana hai 164. Mahlon me reh kar bhi insan ghareeb hai Soch 'sahil' yeh baat kitni ajeeb hai, Khushi to rehti hai zar se koson door Taskeen, kaun jaane kis ka naseeb hai Na sitaare falak ke, na chaman ke gul Asli daulat to yaro sabr o shaqeeb hai Shaheedon men shaheed to masiha tha Qurbaani ki misaal to saleeb hai Dars de koi to isey zabt e sukhan ka Yaro, phisalti bahot yeh zaalim jeeb hai Karzaar hai zindagi muqabila karte raho Fallsafe ke liye to bahot kaafi khateeb hai Kashti ko sambhaale na khuda, dosto Jahan ka paasbaan, to maula raqeeb hai Kyon aate hain khwaab jannat ke baar ha 'Sahil', kya baargaah e khuda, ab qareeb hai 165. Zahn ko samjhaya laakh, armaan kahan maante hain Kab ruka hai ravaan darya, hum to itna jaante hain Kar lo bahas, firasat mando, jahan ki asliat per Hum takte hain falak ko roz, haqeeqat hum jaante hain Tu dil fareb hai zindagi, mere dil ka aayena kehta hai Aur muntazir hai thaka nafas, ajal ka hum maante hain Kitna gehra hai sumundur, puchhta kyon hai, kashti sawaar Jab paasbaan hai khuda tera, har toofaan yeh jaante hain Bita le dost tu zindagi lamha ba lamha, ai 'sahil' Falsafa hai justaju mafhoom ki, hum khub isey jaante hain. Yüklə 479,49 Kb. Dostları ilə paylaş:
|