Jumpxv mc xghpx cvhgcjgc cghrcvhn swhgghn mc {hmhfghn

QURAN NÖQTEYİ-NƏZƏRİNDƏN ALLAH

Allah-taala barəsində dəqiq, əhatəli və aydın tərif bəyan edən Qurani-kərim Onu bizə yalnız adları və sifətləri ilə tanıtdırır.

Qurani-kərim Allah-taalanı adları və sifətləri vasitəsilə ən kamil həddə təqdim etmiş, alim və geniş mərhəmət sahibi,² tez hesab çəkən, diri və əbədi,³ uca, böyük və haqq,⁴ əzəmət və kərəm sahibi⁵ hər şeydən ehtiyacsız⁶ sifətləri ilə vəsf etmişdir.

Qurani-kərim nöqteyi-nəzərindən Allah hər şeydən ucadır;⁷ yəni bizim təsəvvür etdiyimiz hər şeydən üstündür və heç vaxt Onun həqiqətini, cəlal və camal sifətlərini olduğu kimi dərk etməyə qadir deyilik.⁸

Allah təkdir,¹ onun tayı-bərabəri, bənzəri, oxşarı² və özündən başqa heç bir məbud yoxdur.³

Allah varlıq aləminin və kainatın həqiqi padşahıdır. O, hər nöqsandan pak, müqəddəs, salamatlıq və əmin-amanlıq bəxş edən, əziz, islahatçı və böyüklüyə layiq, yenilməz qüdrət sahibi⁴ və hər şeyə qadirdir.⁵

Allah bağışlayan və mehribandır. Bu iki sifət Onda elə bir həddə əks olunmuşdur ki, Quranın bütün surələri bu iki sifətlə – “Bismillahir-Rəhmanir-Rəhim”lə başlayır. O, bəndələrinə qarşı mehriban və rəhmli olmağı Özü üçün əzəldən zəruri etmişdir!⁶

Allah-taalanın əzəməti, böyüklüyü və kərəmi son həddədir. O, insana boyun damarından da yaxındır. İnsanın adi hərəkətlərindən tutmuş ürəyindən keçən ən gizli hisslərədək hər şey Allaha məlumdur.⁷

Allah yenilməz qüdrət və qüvvət,⁸ nemət,⁹ rəhmət¹⁰ və böyük fəzilət sahibi¹¹,

tövbələri qəbul edən,¹² insanları sevəndir.¹³

Allah-taala kainatı, göyləri və yeri yaradan,¹ ixtiyar sahibi, aləmlərin Rəbbi, maliki və idarəedicisidir.² Onun yaradılışda, hakimiyyətdə, hökm etməkdə, rübubiyyətdə, şəfaətdə, ümumiyyətlə heç bir sahədə şəriki və bənzəri yoxdur.³

Bütün insanlar Allaha möhtacdır. Allah isə ehtiyacsızdır. O, insanların ibadətinə belə möhtac deyil. Allah şükrə, tərifə layiqdir, Onun bütün işləri bəyəniləndir.⁴

Allah-taalanın rəhmət və qüdrəti genişdir, insanlara istədiyi kimi əta edir, ruzi verir.⁵ O hər yerdə bizimlədir və hər işimizdən agahdır.⁶ Bir sözlə, hər tərəfə üz tutsaq, Allah oradadır.⁷

O, duaları eşidən, qəbul edəndir.⁸

***