— sxema. Xo‘jalik mablag‘larini tashkil topish manbalari bo‘yicha guruhlashtrish.
Uzoq muddatli asosda aylanma mablag‘dan pul bilan ta’minlanadigan, foizni to‘lashni talab qiluvchi majburiyatlar (12 oy davomida xisob —kitob qilinmaydigan majburiyatlar) uzoq muddatli majburiyatlar hisoblanadi.
Hisobot sanasidan boshlab 12 oy davomida xisob —kitob qilinishi lozim bo‘lgan majburiyatlar:
— Dastlabki muddat 12 oydan ko‘proq bo‘lsa;
— Subyekt majburiyatni uzoq muddatli asosda qayta moliyalashni rejalashtirayotgan bo‘lsa;
— Bu muddao moliyaviy hisobot ma’qullagunga qadar to‘ldiriladigan qaytadan moliyalashga yoki to‘lovlar muddatini o‘zgartirishga qaratilgan bitim bilan qo‘llab — quvvatlansa, bunday sharoitda uzoq muddatli majburiyatlar sifatida tasnif etilishi lozim.
Joriy majburiyatlardan chiqarib yuboriladigan har qanday qisqa muddatli qarz miqdori uni taqdim etishni qo‘llab — quvvatlovchi axborot bilan birgalikda buxgalteriya balansiga izohlarda ochib berilishi lozim.
Majburiyatlar taraflarning kelishuviga binoan pul bilan aks ettiriladi.
Sud qarori bo‘yicha yuzaga kelgan majburiyatlar tegishli summada aks ettiriladi.
Potensial majburiyatlar dastlabki haqiqiy bahosi bo‘yicha aks ettiriladi.
Xo‘jalik operatsiyalari va xo‘jalik jarayonlari. Korxona o‘z faoliyatini uzluksiz olib borishi uchun mahsulot ishlab chiqarish, ishlarni bajarish va xizmatlarni ko‘rsatishda doimo tovar —moddiy qiymatliklarga ehtiyoj sezadi. Ushbu ehtiyojini qondirish uchun korxona xo‘jalik jarayoni 3 ta faza: ta’minot jarayoni, ishlab chiqarish jarayoni va sotish (realizatsiya) jarayoni muntazam ravishda olib boradi.
