Ekskavator EKG 3.2 Ekskavatorlar - kon jinslarini kovlab olib ag‘darmaga to‘kish yoki transport vositasiga yuklash uchun mo‘ljallangan yer kovlaydigan mashinalardir. Barcha ekskavatorlar ikki guruhga ajratiladi: bir cho‘michli uzlukli va ko‘p cho‘michli uzluksiz ish jarayonli.Bir cho‘michli ekskavatorlar kam jipslashgan yumshoq jinslarni qazib oladi yoki yumshatilgan qattiq jinslarni qamrab yig‘ib oladi va o‘z navbatida ma’lum masofaga siljitadi, siljitish vaqtida qamrash yoki qazib olish to‘xtaydi; ko‘p cho‘michli ekskavatorlarda esa bu jarayonlar bir vaqtning o‘zida bajariladi.Har qanday bir cho‘michli yoki ko‘p cho‘michli ekskavator quyidagi asosiy qismlardan tashkil topadi: ish bajaruvchi, mexanik, yurish va kuch berish uskunalari, boshqarish mexanizmlari, rama bilan platforma, ustki qurilmalar va kuzuv.Umumiy holda ekskavatorlar quyidagi belgilari bo‘yicha sinflarga ajratiladi:
- bajaradigan ishi turi va ishga belgilanishiga ko‘ra;
- cho‘michi hajmi (V, m3 - bir cho‘michli ekskavatorlar uchun) yoki nazariy unumdorligi (Q, m3/tonna – ko‘p cho‘michli ekskavatorlar uchun) bo‘yicha;
- ishbajaruvchi, yurish va kuch berish uskunalari turi bo‘yicha.
Ekskavator ishsikli ketma-ket bajariladigan quyidagi jarayonlardan tashkil topgandir:
kon jinsini qazish va cho‘michni to‘ldirish (qamrash);
cho‘michni zaboydan ko‘tarish;
cho‘michni yuk to‘kish joyiga burish;
cho‘michdagi yukni transport vositasiga yoki ag‘darmaga bo‘shatish;
zaboyga burilish;
navbatdagi qazish jarayonini boshlash uchun cho‘michni joyiga tushirish.
EKG-3.2ekskavatorining texnik tavsifi • Cho‘mich hajmi, m3– 3,2 m3
• maksimal qamrash radiusi, m – 14,5
• maksimal qamrash balandligi,m – 10,3
• maksimal yuk to‘kish radiusi, m – 12,65
•maksimal yuk tushirish balandligi m-6,7
• dvigatel quvvati,l.s/kVt:-250
• yurish qismining tortish kuchi, kN - 1800
• xarakatlanish tezligi, km/soat -0,55-0,80
• ekskavator massasi, t -196
