Seyid Əbdülhəy: «Görəsən, daşın hərəkət etməsi daha böyükdür, yoxsa
əsanın əjdəhaya dönüb, hərəkət etməsi və Allah-təalanın xəbər verdiyi doqquz
möcüzəmi?».
Dəvətçi: «Belə məşhur bir söz vardır, deyirlər: «Duanı yaxşı öyrənmiş, lakin
duanın yerini itirmisiniz». Əziz ağalar, bizlər peyğəmbərlərin möcüzəsini inkar
etmirik, əksinə Qurani-kərimin hökmüylə o möcüzələrə iman edirik.
Lakin bunu təsdiq edin ki, möcüzələr təhəddi (meydan-oxuma) məqamında
düşmənin batil olduğunu isbat etmək və haqqı ortaya çıxartmaq üçün edilmişdir.
Görəsən, belə bir əməldə Peyğəmbərin (ə) insanların qarşısında rəzil olmasından
başqa nə kimi bir təhəddi və haqqın ortaya çıxması vardır?!».
