Китабын ады

ASİFİN BİLQEYİSİN TAXTINI HƏZRƏT SÜLEYMANIN 
YANINA GƏTİRMƏSİ 
 
«Nəml» surəsinin 38-40-cı ayələrində Allah-təala belə buyurur: 
«Süleyman  dedi:  «Ey  əyanlar!  Onlar  mənə  təslim  olub  gəlmədən  öncə, 
sizdən  kim  onun  taxtını  mənə  gətirə  bilər?  Cinlərdən  bir  ifrit  dedi:  «Sən 
yerindən qalxmamış, onu sənə gətirərəm və şübhə yox ki, mən, əlbəttə, etibar edə 
biləcək bir güdə sahibəm». 
Kitaba aid bir məlumata sahib olan dedi ki, mən göz qırpımında onu sənə 
gətirə  bilərəm.  Elə  bu  an  (Süleyman)  taxtı  yanında  duran  vəziyyətdə  gördükdə 
dedi: «Bu, Rəbbimin lütf və ehsanındandır…». 
Bilqeyisin o böyük və əzəmətli taxtının uzun məsafədən, bir göz qırpımından 
daha tez bir şəkildə gətirilməsi aciz məxluqun işi deyildir. Bu işin qeyri-adi bir şey 
olduğu bəllidir. Həzrət Süleyman (ə) bu işin əmələ gəlməsi üçün İlahi bir qüdrət 
lazım  gəldiyini  bildiyi  halda,  Allahdan  taxtın  gətirilməsini  istəmədi.  Əksinə,  onu 
gətirmək üçün aciz bir məxluqdan yardım istədi. Bilavasitə ətrafında olanlardan o 
taxtın gətirilməsini istədi. Həzrət Süleymanın (ə) aciz yaranmışlardan belə bir işi 
istəməsi bunu göstərir ki, yaranmışlardan bir işin etməsini istəmək mütləq olaraq 
şirk deyildir.  
Allah-təala  dünyanı  səbəblər  dünyası  olaraq  yaratmışdır.  Şirk  qəlbə  aid  olan 
bir  şeydir.  İnsan  birindən  bir  şey  istədiyi  zaman  onu  Allah,  ya  da  Allahın  şəriki 
olaraq görməzsə, istəyini istəməsi, əsla, şirk sayılmaz. Çünki bu təməl insanların 
yanında  normaldır.  İnsanlar  davamlı  şəkildə,  Allahın  adını  çəkmədən,  ondan-
bundan yardım istəyirlər. 
Görəsən, xəstə həkimin yanına gedib «Dərdimə bir çarə tap, bu xəstəlik məni 
öldürəcək»  dediyi  zaman  müşrik  olurmu?!  Suda  boğulan  bir  kəs  Allahın  adını 

---

 
118 
çəkmədən  insanlardan  yardım  istədiyi  zaman  müşrik  olurmu?!  Zalım,  bir  nəfərə 
zülm edəndə, o məzlum da bir məmurun yanına gedib, «Bu zalımın əlindən məni 
qurtar» dediyi halda müşrik olurmu?! 
Əgər oğru, birinin evinə girərək o ev sahibinin can, mal və ya namusuna zərər 
vermək  istərsə  və  ev  sahibi  də  dama  çıxıb  qonşularını  köməyə  çağıraraq,  «Bizi 
xilas edin» deyərsə, o adam müşrik olurmu?! 
Cavab  birmənalı  şəkildə  «xeyr»dir.  Ağılı  olan  heç  bir  insan  onlara  müşrik 
deməz. Əgər müşrik deyərlərsə ya cahil, ya da qərəzli insanlardır! 
Möhtərəm ağalar, ifrata getməyin. Şiələr Ali-Məhəmmədə (ə) Allah deyən və 
ya Ali-Məhəmmədi (ə) zatidə, sifətdə və ya fellərdə Allaha şərik qoşanları müşrik 
bilirlər.  
Şiələr çətin anlarda «Ya Əli (ə)», «Ya Hüseyn (ə)» deyirlərsə, bunun mənası 
«Ey  Allah  olan  Əli»,  «Ey  Allah  olan  Hüseyn»  deyildir.  Əksinə  dünya,  səbəblər 
dünyası olduğu və Allah-təala da işləri səbəblərlə etdiyi üçün Ali-Məhəmmədi (ə) 
də qurtuluş, səbəb və vəsilələri etmişdir. Onların vəsiləsiylə Allaha yönəlirlər». 
Hafiz:  «Nə  üçün  Allaha  arxalanıb  istəklərini  Ondan  istəmirlər?  Nə  üçün 
səbəb və vəsilələrin arxasınca gedirlər?» 
Dəvətçi:  «İstəklərimizin  həyata  keçməsi  və  dərdlərimizin  aradan  getməsi 
mövzusunda  Allaha  olan  diqqətimiz  yerindədir.  Ancaq  səmavi  bir  sənəd  olan 
Qurani-kərim  vəsiləylə  Allaha  yönəlməmizi  və  vəsiləylə  Onun  dərgahına 
getməmizi özü əmr edir. «Maidə» surəsinin 35-ci ayəsində belə buyurur: 
«Ey  insanlar,  Allahdan  qorxub  çəkinin  və  (sizi)  Ona  (yaxınlaşdıracaq) 
vəsilə axtarın».