Китабын ады
Yüklə 1,34 Mb. Pdf görüntüsü
|
| ŞƏHİDİ-SANİNİN
1 SAYDA QAZISI TƏRƏFİNDƏN ŞƏHADƏTƏ ÇATMASI Şiənin alimlərindən və iftixarlarından bir digəri, hicri X əsrdə yaşayan Şeyx Zeynuddin ibn Nuruddin Əli ibn Əhməd Amilidir. O, elmdə, fəzilətdə, zöhddə, təqvada, dost və düşmənin yanında böyük bir şöhrətə sahibdir. Gecəsini gündüzünə qataraq xalqdan uzaqlaşıb dəyərli kitablar yazmışdır. Öz əl yazısıyla müxtəlif elm sahələrində 200-dən çox əsəri vardır. Xalqdan uzaqlaşmasına baxmayaraq, o dövrün alimləri onunla bir müstəvidə dayana bilməmiş və xalq ona tərəf yönəldiyi üçün həsət etmişlər. Xüsusilə, böyük qazi olan Sayda Osmanlı padşahlarından olan Sultan Səlimə onun haqqında belə bir məktub yazmışdır: «Şam bölgəsində dörd məzhəbdən birinə mənsub olmayan bir bidətçi ortaya çıxmışdır». Sultan Səlim bu fəqih alimi məhkəməyə çəkmək üçün İstanbula göndərilməsini əmr edir. Məscidul-Həramda onu tutub, 40 gün Məkkədə həbs etdilər. Sonra dəniz yoluyla İstanbula göndərdilər. Məhkəməyə aparıb mühakimə etmədən sahildə mübarək başını bədənindən ayıraraq, bədənini dənizə atdılar və başını da sultana apardılar. Möhtərəm ağalar, indi Allah rizasına insafla deyin və ədalətlə hökm verin. Tarix boyu bir nəfər sünni alimin, hətta bir alim olmayan sünninin Cəfəri məzhəbinə mənsub deyil deyə, şiə alimləri tərəfindən bu cür pis və çirkin bir şəkildə öldürüldüyünü oxuyub və ya eşitmisinizmi? Allah eşqinə söyləyin, «Dörd məzhəbdən birinə mənsub deyil» sözü günah və qəbahətdirmi? Hansı dəlilə görə, dörd məzhəbdən (Hənəfi, Maliki, Şafei və Hənbəli) birinə mənsub olmayan bir kəs kafirdir və qətli də vacibdir? Görəsən, hansı dəlilə görə sonradan rəsmiyyət qazanmış olan bir qrup məzhəblərə itaət etmək vacib, amma Rəsuli-əkrəmin (s) zamanından etibarən mövcud olan bir məzhəbin arxasınca getmək küfr və ona itaət edənlərin qanının tökülməsi isə lazımdır? 1 İkinci şəhid. |