1 Daha sonra İmam (ə) Harunun diqqətini ayədəki dəlil olaraq göstərdiyi yerə
cəlb etdi: «Ey möminlərin Əmiri! Həzrət İsanın (ə) atası kimdir?» Harun cavabında belə dedi: «İsanın (ə) atası yoxdur». Bu əsnada İmam (ə) belə buyurdu: «Bax, Allah-təala onu Məryəmin (ə.s) vasitəsiylə peyğəmbərlərin nəslinə ilhaq 2 etmişdir. Bizi də anamız Fatimə (ə.s.) tərəfindən Peyğəmbərin (s) nəslinə ilhaq etmişdir». İmam Fəxri Razi «Təfsiri-Kəbir»in IV cildinin 124-cü səhifəsində zikr olunan
ayənin ardınca V məsələdə belə deyir: «Bu ayə, Həsən və Hüseynin Rəsulallahın
(s) soyundan olmalarına dəlalət edir. Çünki Allah-təala bu ayədə Həzrət İsanı,
həzrət İbrahimin nəslindən saymışdır (həzrət İsanın isə atası yoxdur). Bu bağlılıq
ana tərəfindəndir. Beləcə, Həsən və Hüseyn də ana tərəfindən həzrət Rəsulallahın
(s) zürrüyəti idilər. Həzrət Məhəmməd Baqir (ə) Həccacın yanında eyni ayə ilə
istidlal
3
etmişdir».
Daha sonra imam Museyi-Kazım (ə) Haruna, «Yenə də dəlil gətirimmi?» deyə buyurdu. Harun, «Bəli, gətir» dedikdə, o həzrət (ə) «Ali-İmran» surəsinin 61-
ci ayəsindəki bu «Mübahilə
4
ayəsi»ni qiraət etdi:
