Китабын ады

MÜXALİFLƏRİN MÜAVİYƏYLƏ YEZİDİN XİLAFƏTİNİ VƏ 
KÜFRÜNÜ MÜDAFİƏ ETMƏLƏRİ VƏ ONLARIN CAVABI 
 
Şeyx: «Sizin kimi şəxsin müsəlmanların xəlifəsi Yezid ibn Müaviyəni kafir və 
fasiq elan etməsi, həqiqətən, təəccüblüdür. Əmirə-möminin və  möminlərin dayısı 
Müaviyə ibn Əbu Süfyanın Yezidi xilafət məqamına qoyduğu və Müaviyəni isə II 
xəlifə  Ömər  və  III  xəlifə  olan  məzlum  Osmanın  (r.z)  Şama  müsəlmanların  əmiri 
olaraq  təyin  etdiyini  bilmirsiniz?  Xilafətə  layiq  olduğu  üçün  xalq  onları  qəbul 
etmişdi.  Siz  müsəlmanların  xəlifəsinə  küfr,  mürtəd  nisbətiylə  onların  xilafətini 
qəbul  edən  bütün  müsəlmanlara  və  onları  xilafət  məqamına  gətirən  öncəki 
xəlifələrə də böyük ihanət etdiniz.  
Yezid  xilafəti  dövründə  sadəcə  bir  xəta  və  tərki-ovla  etdi.  Onun  xilafəti 
dövründə Rəsulallahın (s) reyhanəsini qətl etdilər. Bu iş isə əfv edilə bilər, çünki 
bilmədən,  səhvən  baş  verən  bir  əməldir.  Bax,  o,  buna  görə  də,  tövbə  etdi. 
Bağışlayan  Allah  da  onun  günahından  keçdi.  Çünki  imam  Ğəzali  və  Dəmiri  bu 
mövzunu  kitablarında  geniş  şəkildə  qeyd  etmiş  və  xəlifə  Yezidin  təmizlik  və 
paklığını isbat etmişlər». 
Dəvətçi: «Təəssüb dərəcənizin itaətsiz və inadçı Yezidi müdafiə edəcək qədər 
çox olduğuna heç inanmazdım! 
Buyurduğunuz bu anlamdakı «Yezidin atası onu xilafət məqamına gətirdikləri 
üçün  müsəlmanların  onu  kor-koranə  qəbul  edib,  sözünə  təslim  olmaları  lazım 
gəlir» sözünüzə gəlincə; bu sözünüzdə ağıl sahiblərinə görə, xüsusilə elm, hikmət 
və (sözdə) hürriyyət dövrü olan bu zamanda qəbul edilə biləcək bir şey yoxdur.  
Bax, buna görə biz bu cür çətinliklərə düçar olmamaq üçün xəlifənin məsum 
olması və Allah tərəfindən təyin edilməsinin vacibliyinə inanırıq.  
«İma  Ğəzali,  Dəmiri  və  başqa  kimilər  Yezidin  etdiklərini  müdafiə  etmişlər» 
sözünüzə gəlincə də, onların da sizin kimi, təəssübləri ağıllarına və elmlərinə qalib 
gəlmişdir.  Təəssübü  ağlına  qalib  gəlməyən  heç  bir  kəs  Yezid  kimi  çirkin  bir 
insanın  müdafiəsinə  qalxmaz.  Çünki  Yezidin  müdafiə  ediləcək  heç  bir  əməli 
yoxdur.  

---

 
155 
«Yezid  sadəcə  bir  xəta  və  səhv  etdi,  o  da  imam  Hüseynin  (ə)  şəhid 
edilməsidir»  sözünüzə  gəlincə,  əvvəlcə  bunu  bilin  ki,  heç  bir  günahı  olmadan 
böyüklü-kiçikli 72 nəfərlə bərabər Rəsulallahın (s) bədəninin bir parçası olan imam 
Hüseynin (ə) şəhid edilməsi, onların namuslarının (yəni qadınlarının) kafir əsirləri 
kimi  əsir  alınması  sadəcə  bir  xəta  deyil,  əksinə  böyük  günahlardandır.  Sonra 
Yezidin  çirkin  əməlləri  və  kafirliliyinin  səbəbi,  sadəcə  imam  Hüseyni  (ə)  şəhid 
etdiyi üçün deyildir. Onun küfr və mürtətliyini isbatlayan bir çox dəlillər vardır». 
Nəvvab:  «Əgər  Yezidin  küfr  və  mürtədliyini  isbatlayan  daha  aydın  dəlillər 
varsa, onları söyləməyinizi rica edirəm».