Китабын ады

Osman ibn Məhəmməd ibn Əbu Süfyanı da şəhərdən qovdular. Əbdullah ibn 
Hənzələ  (ğəsilul-Məlaikə)  belə  dedi:  «Ey  insanlar!  Biz  əgər  Şamdan  gəlib 
Yezidin  əleyhinə  qiyam  etdiksə,  bunun  səbəbi  onun  dinsiz  olduğu,  anaları, 
qızları  və  bacılarıyla  cinsi  əlaqədə  olduğu,  şərab  içdiyi,  namaz  qılmadığı  və 
Peyğəmbərin övladlarını öldürdüyü üçündür». 
YEZİDİN BEYƏTİNİ POZDUQLARI ÜÇÜN MƏDİNƏ 
ƏHALİSİNİN QƏTLƏ YETİRİLMƏSİ 
Yezid  bu  xəbəri  eşitdikdə,  Müslim  ibn  Əqəbənin  başçılığı  altında 
mədinəlilərin  üsyanını  dağıtmaq  üçün  Şam  əhalisindən  təşkil  olunmuş  böyük  bir 
ordunu Mədinəyə yolladı. Onlar şəhərə yetişdikdə, üç gün – üç gecə, mədinəliləri 
qətlə yetirdilər. İbn Covzi, Məsudi və sairə tarixçilər belə yazırlar: «O qədər çox 
insan öldürdülər ki, küçələrdə qan axmağa başladı, əhali qan gölü içindəydi! Hətta 
qan Rəsulallahın (s) qəbrinə yetişdi və Məscidün-Nəbi qanla doldu». 
Ənsar, Mühacir və Mədinə əhalisinin möhtərəm və şərafətli kişilərindən 700 
nəfər öldürdülər. Ümumi əhalidən isə 10 min nəfər qətlə yetirdilər. Müsəlmanların 
namuslarına  toxunduqlarını  zikr  etməyə  həyat  edirəm.  Sadəcə  Səbt  ibn  Covzinin 
«Təzkirə»  kitabının  163-cü  səhifəsində  Əbdülhəsən  Mədainidən  nəql  etdiyi  bu 

---

 
160 
cümləylə  kifayətlənirəm:  «Hirrə  faciəsindən  (Mədinə  əhalisinin  qətli)  sonra  min 
qadın, ərsiz halda uşaq dünyaya gətirdilər». 
Bundan  artıq  məclisin  vaxtını  almaq  istəmirəm.  Düşünüb  haqqa  yetişmək 
üçün bu qədər kifayət edər.  
Şeyx:  «Söylədikləriniz  hamısı  sadəcə  Yezidin  fasiq  olduğunu  göstərir  və 
günahkar fasiqin etdiyi əməllər isə əfv edilə bilən şeylərdir. Yezid də tövbə etmiş 
və Allah da onu bağışlamışdır. Çünki Allah günahları bağışlayandır. O halda, siz 
nəyə əsaslanaraq ona daima lənət edir və məlun deyirsiniz?». 
Dəvətçi:  «Bəzi  vəkillər,  (advokat)  haqq  onlara  aşkar  olsa  belə,  maldan, 
puldan, bir şey əldə etmək üçün yenə də son fürsətə qədər müvəkkillərini müdafiə 
edirlər. Bilə bilmirəm, siz hansı mənfəətlər üçün o məlun Yezidi bu qədər müdafiə 
edirsiniz və «o, tövbə etmişdir» deyirsiniz?! Onun küfrlü sözləri, Ovliyaullahı (ə) 
şəhid  etməsi,  Mədinə  əhalisinin  qətli  və  başqa  əməlləri  tövbə  etdiyi  mövzuyla 
tamamilə uyğun deyil. Yezidin tövbə etməsi rəvayətdir və sabit olmamışdır, amma 
bizim  nəql  etdiyimiz  hadisələr  dirayətdir  (dəqiq  bir  elmdir).  Rəvayət  dirayətin 
qarşısında dura bilməz! 
Görəsən, məbdəni, məadı, vəhyi, peyğəmbərliyi inkar etmək və mürtəd olmaq 
sizə  görə  lənət  oxumağa  səbəb  olan  şeylər  deyilmi?  Allah  Qurani-kərimdə 
zalımlara açıq-aydın lənət etmirmi? Sizə görə Yezid zalım deyilmi? 
Möhtərəm Yezid ibn Müaviyənin müdafiəçisi olan vəkil! (Məclisdə olanların 
şiddətlə  gülməsi)  Əgər  bu  gətirdiyim  dəlilləri  yetərli  görmürsünüzsə,  izninizlə 
böyük  alimlərinizin nəql  etdiyi  iki hədisi  bildirim  və  bu  mövzunu qurtaraq artıq. 
Üslim  və  Buxari  «Səhih»lərində,  Əllamə  Səmhudi  «Tarixul-Mədinə»də,  Əbul-
Fərəc  İbn  Covzi  «ər-Rəddu  ələl-mütəəsibil-ənid»də,  Səbt  ibn  Covzi  «Təzkirətu 
xəvassil-ümmə»  də,  imam  Əhməd  ibn  Hənbəl  «Müsnəd»  kitabında  və  başqa 
şəxslər Rəsulallahın (s) belə buyurduğunu nəql etmişlər:  
«Kim  Mədinə  əhalisini  zülmlə  qorxudursa,  Allah  da  (Qiyamət  günü)  onu