Dəvətçi: «Ortada heç bir müəmma yoxdur. Ömrünüz boyu imamət məqamını
tanımadınız və ondan uzaq düşdüyünüz üçün bu mövzunu anlamaq sizə çox çətin
gəlir. Əgər təəssüb və adətlərdən kənara çıxıb elm, ağıl, məntiq və insafla imamət
məqamını araşdırsanız, şiənin imamət məqamına olan inancıyla sizin imamətə olan
inancınız arasındakı fərqin nə qədər aşkar və aydın olduğunu görərsiniz.
Bu mövzunu isbat edə bilmək üçün sabahı gözləməyimiz lazımdır. Çünki bu
önəmli mövzu geniş bir vaxt tələb edir. İnşallah, sabah söhbət edərik».
(Məclisi burada tamamladıq. Sübh azanına yaxın olduğu və söz uzandığı üçün
imamət mövzusunu sabah axşam bəhs edilməsi qəbul edildi. Gülər üzlə ağları yola
saldıq. Onlar da mehribancasına məclisi tərk etdilər.
