Китабын ады
Yüklə 1,34 Mb. Pdf görüntüsü
|
| DÖRDÜNCÜ GECƏ
HƏQİQƏTİ KƏŞF EDƏNLƏRİN MİNNƏTDARLIĞI 24 Rəcəb, bazar ertəsi gecəsi, 1345-ci il (1924) Məğribin əvvəl vaxtı idi. Hələ məclis rəsmi olaraq başlamamışdı. Bu vaxt üç nəfər içəri daxil olub, oturdular, onlardan bir nəfər danışmaq üçün izn istədi. İzn aldıqdan sonra üzünü mənə tutub dedi: «Bu gün axşama qədər hər tərəfdə; evlərdə, məscidlərdə, idarələrdə və bazarda hamı sizin haqqınızda danışdı. Kimin əlində bir qəzet gördükdə camaat onun ətrafına toplaşaraq, bəyanlarınız haqqında mübahisə edirdi. Xalqda sizə qarşı böyük bir rəğbətin oyandığının şahidi olduq; hər kəsin qəlbinə nüfuz etmisiniz. Üzərimizdə çox böyük haqqınız var. Çünki elə şübhələri həll edirsiniz ki, ömrümüz boyu böyüklərimiz bizə onların əksini öyrədiblər. Biz bir camaat olaraq şiəni müşrik bildiyimizə görə sizdən üzr istəyirik. Amma nə edək ki, uşaqlıqdan bu şəkildə öyrədiblər. İndi bağışlayan Allahdan ümidimiz tövbəmizi qəbul etməsidir. Söhbətlərinizin jurnal və qəzetlərdə nəşr edilməsi bu bir neçə gündə oxucularının bir neçə dəfə sayını artırıb. Söhbətlər xalqın böyük bir hissəsinə aydınlıq gətirib. Xüsusilə məclislərdə bilavasitə iştirak etdiyimizdən sözlərinizdəki lətafətdən daha çox istifadə etmişik. Sizə olan rəğbətimiz daha da artıb. Xüsusilə dünən axşam çox gözəl bir şəkildə pərdələri aradan qaldırıb, həqiqətlərin aydınlığa qovuşmasını təmin etdiniz. Ümid edirik ki, pərdələr qaldırılaraq daha çox həqiqətlər kəşf ediləcəkdir. Daha əvvəl də ərz etmişdik ki, bizi ən çox təsirləndirən söhbətlərinizdəki sadəlikdir. Mövzunu bizim öz dilimizlə o qədər sadə və anlaşılan bir şəkildə bəyan edirsiniz ki, oxumaq-yazmaq bilməyən xalq belə sizi anlayır. Buna görə də hər kəs cazibənizə qapılmış vəziyyətdədir. Bunu da nəzərə alın ki, bu cəmiyyətlə hər yüz nəfərdən beş nəfər belə elmi məsələlərdən xəbərdar deyildir. Onlar uşaqlıqdan bəri eşitdikləri hər şeyə kor-koranə inanıb, qəlbən bağlanmışlar. İndi bu insanlara gizli qalan həqiqətlər incəliklə öyrədilməlidir; siz də bu işi gözəl bir şəkildə bacarırsız. Daha mükəmməl nəticələr əldə edəcəyimizə ümid bəsləyirik». 167 Bu qardaş sözünü qurtarmışdı ki, ağalar məclisə daxil olub, əyləşdilər. Hamımız bir yerdə çay içdikdən sonra söhbət başladı. Nəvvab: «Dünən axşam qərar oldu ki, bu günki məclisdə imamət mövzusu ətrafında danışılsın. Çoxumuz bu mühüm məsələni bilmək üçün böyük bir ehtiyac duyuruq. Çünki mövzu bizim üçün anlaşılmaz olan məsələlərin əslini təşkil edir. İmamət haqqında aramızdakı ixtilafın aydınlığa qovuşması üçün ricamız, sadəcə bu mövzu ətrafında danışmağımızdır». Yüklə 1,34 Mb. Dostları ilə paylaş:
|