Китабын ады

İMAMƏT ŞİƏ ƏQİDƏSİNƏ GÖRƏ ÜLVİ BİR İLAHİ 
MƏQAMDIR 
 
İmamət, üləmanın elmi – kəlam istilahlarında bəyan etdikləri kimi – ilahi bir 
məqamdır  ki,  o  da  üsuliddindəndir.  Əqidəmizdə  imamət  ilahi  bir  məqam  olaraq 
Rəsulallah (s) tərəfindən irəli sürülən, din və dünya işlərində ona itaəti vacib olan 
idarəçilikdir». 
Şeyx:  «İmamətin  üsuliddindən  olduğuna  dair  qəti  dəlillər  gətirə  bilsəydiniz 
yaxşı olardı. Çünki böyük İslam alimləri İmaməti üsulu dindən deyil, füruiddindən 
saymışlar  və  şiə  üləması  dəlilsiz  bir  şəkildə  imaməti  üsuliddinin  bir  hissəsi 
bilirlər». 

---

 
175 
Dəvətçi: «Bu bəyan sadəcə şiəyə aid deyil. Böyük alimlərinizdən bəziləri də 
imamətin  üsuliddindən  olduğu  inancına  sahibdirlər.  Məsələn  sizin  böyük  və 
tanınmış müfəssirlərinizdən Qazı Beyzəvi «Minhaculüsul» adlı kitabının «Əxbar» 
bəhsi bölümündə açıq bir şəkildə belə bəyan edir: «İmamət, üsuliddinin ən önəmli 
məsələlərindəndir və bunun rəddi küfr və bidətə səbəb olar». 
Molla  Əli  Kuşçi  «Şərhi-Təcrid»  kitabının  «İmamət»  bölümündə  belə  deyir: 
«İmamət peyğəmbərdən xilafət yoluyla, din və dünya işləri xüsusunda ümumi bir 
riyasətdir (idarəçilik məqamıdır)». 
Yenə  sizin  ən  təəssübkeş  alimlərinizdən  Qazı  Quzbəhan  imamətin  Xatəmül-
ənbiyanın  (s)  xəlifəliyi  ünvanıyla  ümmətin  idarəçiliyi,  Rəsulallahın  imamət  və 
xilafət  məqamı  olduğunu  bu  şəkildə  bəyan  edir:  «İmamət,  Əşəriyə  görə,  dinin 
yaşadılası  və  İslam  millətinin  qorunması  xüsusunda  Rəsulallahın  (s)  xilafətidir; 
belə ki, bütün ümmətin ona itaət etməsi vacibdir». 
Əgər  imamət  füruiddindən  olsaydı  Rəsuli-əkrəm  (s)  «İmamını  tanımadan