Dəvətçi: «Məncə, anlaşılması çətin olan bir məsələmiz qalmadı. Amma sizin
nəzərinizdə belə bir məsələ varsa, buyurun, biz də cavab verək».
Hafiz: «Sonuncu açıqlamanızda izah edilməsi mümkün olmayan bir neçə
cümlə buyurdunuz. Əvvəla; Əli ibn Əbi Talibin (k.v) nübuvvət məqamına sahib
olduğunu buyurdunuz; sonra peyğəmbərlərin nəfs birliyinə sahib olduğunu
söylədiniz və sonra da Əlinin bütün peyğəmbərlərdən üstün olduğunu buyurdunuz.
Bu iddialırınızı məcburən qəbul edək, yoxsa bu iddiaları isbatlayan dəlilləriniz
vardır?! Əgər dəliliniz yoxdursa, qəbul edilməsi mümkün deyildir! Əgər dəliliniz
varsa, bəyan edin».
Dəvətçi: «Bəyanlarımın müşkül, qarışıq və həll edilməsi qeyri-mümkün
olduğunu söylədiniz. Bu sizin və sizin kimi həqiqətlər üzərində dayanmaq
istəməyənlərin düşüncəsidir! Yoxsa tədqiqatçı və düşünən insaflı üləmanın
nəzərində həqiqət aydındır. Bəyanlarıma gətirdiyiniz iradlara gəlincə, qaçış
yollarınızın bağlanması və «bəyanınız müşkül, qarışıq və həll edilməsi qeyri-
mümkündür» dediyiniz üçün indi onlara bir-bir cavab verərəm.
