Китабын ады

kimidir; bu fərqlə ki, məndən sonra nəbi yoxdur». 
Hafiz:  «Yaxşı,  necə  olur  Rəsulallahın  səhabələri  bu  hədisin  ümumiyyətini 
bilmələri  və  Əlini  xəlifə  olaraq  qəbul  etmələrinə  baxmayaraq,  yenə  də  ona  qarşı 
çıxıb, başqasını xəlifə seçərək, ona beyət etdilər?!». 
 
MUSANIN (Ə), QARDAŞI HARUNU (Ə) YERİNƏ XƏLİFƏ 
SEÇƏSİ VƏ SAMİRİNİN BƏNİ-İSRAİLİ BUĞAYA SİTAYİŞ 
ETMƏKLƏ ALDATMASI 
 
Dəvətçi:  «Bu  mövzuda  sizə verə  biləcəyim  bir  çox  mətləblərə  cavab vardır. 
Onlardan mövzuya ən uyğun olanı həzrət Harunun (ə) hadisəsidir. Qurani-kərimin 
də  açıq  buyurduğu  kimi  həzrət  Musa  Kəlimullah,  qardaşı  həzrət  Harunu  özünə 
xəlifə  seçdi.  «Bəni-İsraili  (bəzi  xəbərlərə  görə  70  min  nəfər  idilər)  toplayaraq 
həzrət  Harunun  əmrlərinə  itaət  etmələrini  söylədi.  Sonra  Rəbinin  müsafiri  olmaq 
üçün Tur dağına getdi. Heç bir ay keçməmişdi ki, Samiri fitnəsi baş verdi. Bəni-
İsrailin arasında ayrılıq və ixtilaf düşdü. Samiri qızıldan bir buğa düzəldərək, bəni-
İsraili həzrət Musanın (ə) xəlifəsi olan Harunun (ə) ətrafından ayırıb, öz Ətrafına 
toplamağa  başladı.  Qısa  bir  müddətdə  o  70  min  nəfəri  həzrət  Haruna  qarşı 
çıxararaq,  üsyan  etdi.  Halbuki,  bəni-İsrail  Musanın  (ə)  Harunu  (ə)  yerinə  xəlifə 

---

 
210 
seçdiyini  qulaqlarıyla  eşitmişdilər.  Amma  onlar  Samiriyə  aldanaraq  qızıldan 
düzəldilmiş buğaya tapındılar. Harun (ə) hər nə qədər onların bu çirkin işinə mane 
olmağa çalışdısa, heç bir fayda vermədi. Hətta onu öldürmək belə qərarına gəldilər. 
Bu səbəbdən «Ərəf» surəsinin 150-ci ayəsində bu hadisəyə toxunulmuşdur. Harun 
(ə), qardaşı həzrət Musa Tur dağından qayıtdıqdan dərdli halda belə dedi:  
«Anam  oğlu,  bu  cəmiyyət  məni  zəiflətdi,  aciz  etdi  və  haradasa  məni