ƏBU BƏKR VƏ AİŞƏ RƏSULALLAHIN (S) ƏN ÇOX SEVDİYİ İNSANLARDIRLAR» SÖZÜNÜN CAVABI
Dəvətçi: «Bu hədis Bəkrilərin uydurması olmasından əlavə, iki məzhəbin qəti
olaraq qəbul etdiyi hədislərlə də ziddiyyətlidir. Bu səbəbdən bu hədisin
mərdudluğu sabitdir. Bu hədisi iki baxımdan diqqətlə araşdırmaq lazımdır:
Birincisi, Ümmül-möminin Aişə, digəri isə xəlifə Əbu Bəkr baxımından. «Aişənin
Rəsulallahın (s) ən çox sevdiyi qadındır» sözü hər iki məzhəbin mötəbər
kitablarında mövcud olan başqa səhih hədislərdə ziddiyyətlidir».
Şeyx: «Mümkünsə, onların hansı hədislər olduğunu söyləyin, biz də adilanə
bir şəkildə hökm verək».
Dəvətçi: «Bu hədisin xilafına sizin öz alim və raviləriniz tərəfindən nəcib
İmamların (ə) anası həzrət Fatimə (ə.s) haqqında bir çox hədis nəql edilmişdir.
