sevdiyini bildirmişdir». «Ya Rəsulallah! O dörd nəfər kimlərdir?» soruşulduqda,
Həzrət(s) «Əli ibn Əbu Talib, Əbuzər, Miqdad və Salmandır» - deyə buyurdu.
İbn Həcər 39-cu hədisdə Tirmizidən və Hakim Ənəs ibn Malikdən
Rəsulallahın (s) belə buyurduğunu nəql etmişdir:
«Cənnət üç nəfərin həsrətini çəkir: Əli, Əmmar və Salman».
Görəsən, Allahın, Peyğəmbərin (s) və Cənnət əhlinin məhbubu olan
Rəsulallahın (s) xas əshabının əməl və davranışları nümunə deyilmi?!
Müsəlmanların onları qəbul edəcək və onlara əhəmiyyət verəcək dərəcədə
«Səqifə» oyunyula müvəffəqiyyət qazanan bəzi qrupların əshab sayılması və
Rəsulallahın (s) Səqifə əhlinin niyyətlərinə müxalifət edən digər pak səhabəsinin
etibar dərəcəsindən düşüb təsirsiz qalması utandırıcı deyilmi?!
Bu səbəbdən, nəql etdiyiniz hədisi mütləq bir şəkildə deyil, bu çıxılmaz
vəziyyətə düşməməniz və bizi də hidayət dairəsindən çıxarmamağınız üçün
«Əshabımdan bəzisi ulduzlar kimidir» desəydiniz daha yaxşı olardı».
