Китабын ады

TÜRKMƏN, XARƏZMİ, ÖZBƏK VƏ ƏFQANLARIN 
İRANLILARA QARŞI ETDİKLƏRİ ÇİRKİN İŞLƏRƏ BİR BAXIŞ 
 
Dəvətçi:  «Yanılırsınız!  Belə  bir  dəyərli  məclisdə  müsəlman  qardaşlarıma 
dəlilsiz  olaraq  yersiz  nisbətlər  vermədim.  Əhli-sünnət  alim  və  qazilərinin  şiənin 
böyük fəqihlərinə qarşı etdikləri cinayətlərdən, dediyim hadisələrlə əlaqədar tarixə 
bir  nəzər  salsaq,  türkmənlərin,  xarəzmilərin,  özbəklərin  və  əfqanlıların  dəfələrlə 
İrana  təcavüz  etdiklərini  görəcək,  sözlərimə  haqq  qazandıracaq,  hətta  onların  şiə 
camaatına qarşı etdikləri zülmə görə utanacaqsınız.  
İmkan düşdükdə və xarici ölkələrlə olan müharibələr nəticəsində və ya daxili 
qarşıdurmalar  üzündən  İranın  vəziyyətini  qarışıq  gördükdə,  şimal  şərqindən 
hücuma  keçmiş,  bəzən  Xorasan,  Nişapur  və  Səbzivara  qədər,  hətta  bir  dəfə  Şah 
Sultan  Hüseyn  Səfəvinin  zamanında  İsfahana  qədər  irəliləmiş,  o  şəhərin  ətrafına 
hücum edib talan etmiş, iffət, insaniyyət və İslama zidd olan heç bir əməldən geri 
qalmamış  və  zavallı  şiələri  qətl  edərək,  mallarını  taladıqdan,  namuslarına 
toxunduqdan sonra bir çox insanı əsir edib, kafir əsirləri kimi dünya bazarlarında 
satmışlar.  

---

 
138 
Tarixin yaxdığına görə, Türkistan şəhərlərində yüz mindən çox şiə satılmış və 
onlara  kafir  kölələrə  edilən  müavilədən  daha  pis  müavilələr  edilmişdir.  Bu  növ 
əməlləri alimlərinizin hökm və fitvalarına əsaslanaraq edirdilər». 
Hafiz:  «Bu  müharibə  və  hücumlar  siyasi  məqsədlə  olmuşdur;  bunların  əhli-
sünnət alimlərinin fitvalarıyla hər hansı bir əlaqəsi yoxdur».