Китабын ады

Bu ayrılığın və bağrı qan olmanın  
Şərhi sonrakı zamana qalsın.  
 

---

 
164 
ALİ-MƏHƏMMƏD (Ə) HAQQ YOLUNUN ŞƏHİDLƏRİ VƏ 
DİRİLƏRİDİR 
 
Siz  din  və  tövhid  yolunda  can  verən  o  uca  ailənin  insanlarını  şəhid  olaraq 
qəbul edirsiniz, yoxsa etmirsiniz? Əgər şəhid qəbul etmirsinizsə, o zaman dəliliniz 
nədir?  Əgər  şəhid  qəbul  edirsinizsə,  o  zaman  nəyə  əsasən  onlara  ölü  deyirsiniz? 
Məgər  Quran  «ONlar  diridirlər  və  Rəbbləri  yanında  ruzi  yeyirlər»  deyə 
buyururmu?  Demək,  Quran  və  hədislərin  hökmüylə  Onlar  (ə)  diridirlər,  ölü 
deyillər. Belə isə biz ölüyə tapınmırıq, onlarla salamlaşmırıq. Əksinə, biz dirilərlə 
danışırıq.  Şiələrin  heç  biri  ONları  (ə),  istəklərin  qəbul  edilməsində  əsas  olaraq 
görmürlər. Onları (ə) Allahın saleh qulları və Allah yanında etibarlı şəxslər olaraq 
qəbul edib, vəsiləsiylə Allaha yönəlirlər. (Bu mövzuya əvvəlcədən toxunmuşduq) 
Lakin  hacətlərini  (istəklərini)  Onlara  (ə)  ərz  edirlər.  Çünki  İmamlar  (ə)  saleh  və 
etibarlı  olduqları  üçün  Allahdan,  biz  günahkar  qullara  inayət  etməsini 
istəməkdədilər. Əgər şiələr, Ya Əli (ə), Ya Hüseyn (ə) deyirlərsə, bu buna bənzəyir 
ki:  Məsələn bir nəfərin padşahdan  bir  istəyi  olur,  o da  padşahın  vəzirinin  yanına 
gedib;  Möhtərəm  vəzir  lütfən  mənə  yardım  edin,  deyirsə,  o  şəxs  heç  bir  zaman 
vəzirə  padşah  gözüylə  baxmır.  O,  vəzirin  yanına  getməklə  vəzirə  bunu  demək 
istəyir: Sizin padşahın yanında etibarınız vardır, lütfən vasitəçilik edin ki, mənim 
bu işimi düzəltsin.  
Eyni şəkildə şiələr də, heç bir zaman Ali-Məhəmmədi (ə) Allah ya da Allahın 
fellərinin  (işlərinin)  şəriki  olaraq  qəbul  etmirlər.  Onları  (ə)  Allahın  saleh  qulları 
olaraq görürlər. Çünki ONlar (ə), ibadət, təqva və şəri riyazətlər nəticəsində, pak 
fitrətləri Allahın yanında xüsusi bir məqama sahib olmuşdur. Bu səbəbdən hər iki 
aləmdə  Onlara  (ə)  İmamət,  vilayət  və  böyük  məqamlar  verilmiş,  Allahın  izni  və 
əmriylə yaradılmışlar üzərində təsərrüf haqqında sahibdirlər.  
Onlar  (ə),  Allah-təalanın  əminləri  və  vəkilləri  olduqdları  üçün,  istəklərimizi 
Allaha ərz edirlər. Əgər uyğun olarsa, istəyimiz yerinə yetirilir. Əks təqdirdə, əvəzi 
axirətdə verilir. Biz bunları əmələn edir və nəticə də alırıq.  

---

 
165 
Bunlar «Nə səbəbdən ölülərlə danışırsız?» sualınıza verdiyim qısa cavablardır, 
bu mövzu daha geniş bir şəkildə açıqlana bilər.  
Bir  incə  nöqtəni  də  nəzərinizə  çatdırmaq  istərdim.  O  da  budur  ki,  şiələr 
məsum imamın məqamını, digər şəhidlərin məqamından daha üstün bilirlər. Yəni 
onların məqamı, digər şəhidlər kimi sadəcə diri olduqları mövzusundan başqa bir 
şeydir.  İmamların  sadəcə  diri  olduqlarına  deyil,  daha  böyük  məqamlara  sahib 
olduqlarına inanırlar.  
Hafiz:  «Bu  cümləniz  izaha  ehtiyacı  olan  bir  müəmmaya  bənzəyir.  Sizin 
imamınızın  başqa  imalardan  fərqi  nədir?  Sizin  imamlarınızın  sadəcə  seyid  olub, 
Rəsulallahın soyuna mənsub olmaqdan başqa hər hansı bir üstünlükləri yoxdur!».