Китабын ады

DÖRD MƏZHƏBİ TƏTİB ETMƏYİN DƏLİLİ YOXDUR 
 
Çox  təəccüblüdür;  siz  həzrət  Peyğəmbərin  (s)  əmriylə  (bunun  dəlilləri  öz 
kitablarınız  da  açıq  bir  şəkildə  nəql  edilmişdir)  O  həzrətin  soyundan  gələn  12 
İmamı  təqib  edən  şiəni  bidətçi  və  ölüpərəst  olaraq  bilirsiniz.  Hansı  dəlillərə 
əsaslanaraq  bütün  müsəlmanları  üsulda  Əşəri  və  ya  Mötəziliyə,  füruda  isə  dörd 
məzhəbdən birini təqib etməyə məcbur etdiyiniz məlum deyildir! 
Əgər  bir  nəfər  sizin  o  dəlilsiz  iddialarınızı  qəbul  etməyərək  Əşəri,  ya  da 
Mötəziləni  əqaiddə  və  dörd  məzhəbdən  birini  də  füruda  təqib  etməzsə,  siz  onu 
Rafizi,  müşrik  və  qanını  halal  bilirsiniz!  Əgər  bu  gün  bir  nəfər;  «Həzrət 
Peyğəmbərdən (s) Əbul-Həsən Əşərinin və ya Əbu-Hənifənin, Malik İbn Ənəsin, 
Məhəmməd  ibn  İdrisin  Şafeinin  və  Əhməd  ibn  Hənbəlin  təqib  edilməsinin 
vacibliyinə dair hər hansı bir xəbər bizə yetişməmişdir, onlar sadəcə müctehid və 
fəqihdilər  və  ictihadı  da  onlara  xas  etmək  bidətdir»  deyərsə,  nə  cavab 
verərsiniz?!». 
Hafiz:  «Dörd  məzhəb  imamı  fəqihlik  məqamına  elm  və  ictihadın 
yetişdiklərinə görə, əmanət və ədalət əhli, təqva, vərə və zöhd sahibi olduqlarından 
onları təqib etmək bizim üçün vacibdir». 
Dəvətçi:  «Xüsusən  sizin  söylədikləriniz,  qiyamət  gününə  qədər  ictihadın  bu 
şəxslərə xas edilməsinə və xalqın da onları təqib etməyə məcbur edilməsinə dəlil 
ola  bilməz.  Yuxarıda  sadalanan  xüsusiyyətlərin  bütün  alimlərinizdə  olmasının 
vacibliyinə  inanırsınız.  İctihadlı  bu  dörd  nəfərə  məxsus  etdiyiniz  sonradan  gələn 
alimlərə  tohindir.  Bir  və  ya  bir  neçə  şəxsi  təqib  etməyə  müsəlmanların  məcbur 
edilməsi, həzrət Peyğəmbərdən (s) qəti bir əmr gəldiyi təqdirdə qəbul edilə bilərdi. 
Həzrət  Peyğəmbərdən  sizin  dörd  imamınız  haqqında  belə  bir  əmr  olmamışdır. 
Vəziyyət belə olduğu halda siz məzhəblərin sayını nə üçün dörd ilə məhdudlaşdırıb 
və sadəcə onlardan birinin təqibçisi olmağı haqqın ölçüsü sayırsınız? 
 

---

 
170