Китабын ады

HƏZRƏT ƏLİNİN NÜBUVVƏT MƏQAMINA «MƏNZİLƏT 
HƏDİSİ»NİN DƏLİL OLMASI 
 
Həzrət  Əlinin  (ə)  nübuvvət  məqamına  sahib  olduğuna  dair  ilk  dəlil 
«Mənzilət» hədisidir. Bu hədis həm sizin, həm də bizim qaynaqlarımızda bir neçə 
kəlmə fərqliliklə mütəvatir olaraq nəql edilmişdir. Hədisə görə Peyğəmbərimiz (s) 
dəfələrlə müxtəlif yerlərdə həzrət Əli (ə) haqqında belə buyurmuşdur: 
«Görəsən, mənə nisbətdə Harunun Musaya olan mənzilətində (dərəcəsində) 
olmağa – bu fərqlə ki, bəndən sonra peyğəmbərlik yoxdur – razı deyilsənmi?». 
Bəzən də ümmətə belə buyurmuşdu: 
«Əli mənə nisbətdə, Harunun Musaya olan mənzilətindədir». 
Hafiz: «Bu hədisin doğruluğu bəlli deyildir! Çünki xəbəri-vahiddir; (yəni bir 
nəfər tərəfindən nəql edilmişdir) və xəbəri-vahidə də etibar edilməz!. 

---

 
182 
Dəvətçi:  «Hədisin  doğruluğuna  dair  söylədikləriniz  ya  bu  mövzu  ilə  bağlı 
kitabları az oxumağınızdan qaynaqlanır və ya bilərəkdən xəta edir, ağıl və məntiq 
qarşısında təslim olmaq istəmirsiniz. Məlumunuz olsun ki, hədisin doğruluğu hər 
kəs  tərəfindən  qəbul  edilir.  Bu  hədisin  inkarı  və  ya  xəbəri-vahid  olduğunu 
söyləməyinizin  səbəbi,  ərz  etdiyim  kimi  ya  hədis kitabları  haqqındakı  məlumatın 
azlığıdır,  ya  da  inadkarlıqdır.  Amma  ümid  edirəm  ki,  bizim  məclisimizdə 
inadkarlıq olmayacaq.