öldürməkdə istəyirdilər!»
Allah eşqinə, təəssübünüzdən bir az uzaqlaşıb, insafla söyləyin. Bəni-İsrailin
həzrət Musanın (ə) əmrlərinə qarşı çıxmaları, haqq xəlifəsi Harunu (ə) yalnız
qoymaları və hoqqabaz Samirinin hiləsiylə buğaya tapınmaları Harunun (ə)
xəlifəliyinin batil olduğunu, Samiri və buğasının da haqq olduğunumu göstərir?!
Bəni-İsrail cahillərinin həva-həvəslərinə uyaraq etdikləri bu iş üçün «Harunun
xəlifəliyi haqq olsaydı, onlar həzrət Musanın (ə) ağzından bunu eşidib onu, əsla,
yalnız buraxmaz, Samirinin və buğanın arxasınca getməzdilər» deyə bilərsinizmi?!
Belə olmadığını, həqiqətən, bilirsiniz! Həzrət Harun (ə), Qurani-kərimin hökmüylə
həzrət Musanın (ə) xəlifəsi idi. Bəni-İsrail bunu həzrət Musanın (ə) öz ağzından
eşitmişdilər. Amma həzrət Musa (ə) olmadıqda, fürsət hoqqabaz Samirinin əlinə
düşən kimi bir buğa düzəltdi və etdiyi işin nə olduğunu bildiyi halda, qəsdən bəni-
İsraili yoldan azdırdı. Onlar da Harunun (ə) Musanın (ə) xəlifəsi olduğunu
bildikləri halda ya anlamamazdıqdan, ya da başqa səbəbə görə Samirinin arxasınca
gedib, həzrət Harunu tək qoydular.
