Böyük alimlərinizdən Əbu Məhəmməd Əli ibn Əhməd ibn Səid ibn Həzm
Əndulusi (456 h.q. Bədiyə Ləbələdə ölmüşdür) «Əl-Fəslu fil-miləli vən-nihəl» adlı
məşhur kitabında şiələrə misli olmayan yalan və iftiralar atmışdır. Xüsusilə kitabın
I cildində yazır: «Şiələr, müsəlman deyil, əksinə kafir və yalançıdırlar. Onlar
yəhudilik və xristianlıqdan qaynaqlanırlar».
Həmin kitabın 4-cü cildinin 182-ci səhifəsində belə deyir: «Şiələr 9 qadınla
evlənməyi caiz bilirlər».
Bu yalançının iftiralarına ən böyük cavab, şiələrin əsrlər boyu yazdıqları
dəlilli kitabları və elmi risalələridir. Onların hamısında 4 qadından çox daimi
olaraq nikahlamanın hara olduğu yazılmışdır. Şiələrin irfan əhli, fəqih və alimləri
bir kənarda dursun, çöldəki cahilləri belə bir əməlin olmadığını çox yaxşı bilirlər.
Əgər o kitabı oxusanız, şiələrə atdığı iftira, yalan, küfr və pis nisbətlərinə görə
utanıb, yerə girərsiniz. Misal üçün bu qədər kifayət edər.
